USD 402.56, EUR 440.64, RUB 4.58, GBP 505.01
+17 °C, +15 °C ... +26 °C Tomorrow:+26 °C
+17 °C, +15 °C ... +26 °C Tomorrow:+26 °C
Բեյրութի Հայկազյան համալսարանի պատվիրակությունն այցելել է Արցախի պետական համալսարան
14:25, 10.06.2019
3193 | 0
Այսօր` հունիսի 10-ին, Բեյրութի Հայկազյան համալսարանի «Heritage Club» -ի ուսանողների պատվիրակությունն այցելել է Արցախի պետական համալսարան և հանդիպում ունեցել ԱրՊՀ ուսանողության հետ: Այցի ընթացքում Հայկազյան համալսարանի կողմից 1000 միավոր գիրք է նվիրաբերվել ԱրՊՀ-ին: Ողջունելով համալսարանականներին` ԱրՊՀ ուսումնական աշխատանքների գծով պրոռեկտոր Գեորգի Սահակյանը շնորհակալություն է հայտնել Հայկազյան համալսարանին ու պատվիրակությանը համագործակցության համար` նշելով, որ երկու բուհերի համար երկուստեք կարևոր ու անհրաժեշտ են նման շփումները: Պատվիրակության ղեկավար Ռազմիկ Կապրիելյանը, ով համակարգում է Հայկազյան համալսարանի ուսանողների հետ տարվող աշխատանքները, ողջունելով համալսարանականներին, նշել է, որ այցելությունը 2018 թվականի ԱրՊՀ և Բեյրութի Հայկազյան համալսարանի միջև կնքված համագործակցության հուշագրի շրջանակում է, որին մեծ սիրով ու խանդավառությամբ են միացել համալսարանի ուսանողները` գրքերի հավաքագրման աշխատանքներին յուրաքանչյուրը բերելով իր նպաստը: «Արցախը մեծ նշանակություն ունի մեր կյանքում, և լիբանանահայ գաղութը ուղղակի կապված է Արցախի հետ: Արցախը ապրում է ոչ հաճելի մթնոլորտում` պատերազմ և այլն, ուստի լիբանանահայությունը միշտ պատրաստ է նեցուկ լինելու նրան: Այս տարի նախաձեռնությամբ ուզեցինք գալ Արցախ. նպատակը` կամուրջներ հիմնել Ացախի հետ, և այդ նախաձեռնության շրջանակում ճիշտ համարեցինք գրքերի նվիրատվությունը», -ասել է Ռազմիկ Կապրիելյանը: Հայկազյան համալսարանի «Heritage Club» -ի նախագահ Քրիս Պրուդյանը երկրորդ անգամ է Արցախում և կարևորում է Արցախի ուսանողների հետ շփումն ու գործակցային հարաբերությունների ստեղծումը: «Այսպիսի շփումները կարևոր են ուսանողների համար` համազգային հարցերի շուրջ տեսակետների ու կարծիքների փոխանակման առումով, քանի որ մենք բոլորս մեկ մշակույթի և մեկ ինքնության տեր ենք: Արցախն ինձ համար սուրբ հող է, և այստեղի հայկականության շնչի կարիքն ունենք իսկապես, որպեսզի ուժեղացած վերադառնանք Լիբանան», -նշել է Քրիս Պրուդյանը: Հանդիպման ընթացքում երկու համալսարանների ուսանողները քննարկել են ուսումնական գործընթացին, Սփյուռքում հայապահպանության խնդիրներին, Արցախյան հիմնախնդրին, Լիբանանի հայկական համայնքի գործունեությանն առնչվող հարցեր: |
Spokesperson: Արցախի պետական համալսարան
The article published in the Spokesperson project.
Share with friends
Արցախի պետական համալսարան
13:00, 03.03.2021
2435 | 0
12:48, 24.09.2020
2115 | 0
16:57, 23.01.2020
Արցախի պետական համալսարանն ինքնավերլուծություն է ներկայացրել ՈԱԱԿ և պատրաստվում է արտաքին գնահատմանը
3074 | 0
14:57, 27.09.2019
3759 | 0
22:01, 03.09.2019
3451 | 0
09:56, 05.07.2019
3274 | 0
14:25, 10.06.2019
3194 | 0
09:51, 27.05.2019
5922 | 0
15:10, 21.05.2019
3725 | 0
16:56, 20.05.2019
3339 | 0
15:11, 17.05.2019
3397 | 0
13:20, 17.05.2019
2713 | 0
13:16, 17.05.2019
2679 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.