USD 402.56, EUR 440.64, RUB 4.58, GBP 505.01
+27 °C, +15 °C ... +27 °C Tomorrow:+26 °C
+27 °C, +15 °C ... +27 °C Tomorrow:+26 °C
ԱրՊՀ-ում մեկնարկել է «Որակավորումների արժանահավատ շնորհում և հավատարմագրում» թեմայով եռօրյա համաժողով
22:43, 20.06.2019
3178 | 0
ՀՀ Մասնագիտական կրթության ՈԱԱԿ 10-ամյակին նվիրված միջոցառումների շրջանակում այսօր՝ հունիսի 20-ին, ՈԱԱԿ-ի նախաձեռնությամբ ԱրՊՀ-ում մեկնարկել է «Որակավորումների արժանահավատ շնորհում և հավատարմագրում» թեմայով եռօրյա համաժողով: Համաժողովին մասնակցում էին ԱՀ ԿԳՍ նախարար Նարինե Աղաբալյանը, ՀՀ Մասնագիտական կրթության ՈԱԱԿ պատվիրակությունը՝ տնօրեն Ռուբեն Թոփչյանի գլխավորությամբ, Արցախի բուհերից ներկայացուցիչներ: ԱրՊՀ ռեկտոր Արմեն Սարգսյանը ողջույնի խոսքում շնորհավորել է ՈԱԱԿ 10-ամյակի առթիվ՝ կարևորելով կենտրոնի հետ համագործակցության ընթացքում ունեցած բուհի ձեռքբերումները, որոնք ուղղորդող դեր ունեցան հավատարմագրման գործընթացին ճիշտ նախապատրաստվելու համար: «ԱրՊՀ-ն հռչակել է իրեն որպես սովորող կազմակերպություն, և սա նշանակում է, որ մենք աշխարհին ոչ թե փորձում ենք համոզել, թե ուզում ենք ինչ-որ բան փոխել կրթական համակարգում, այլ պարզապես հիմնավորել մեր համեստ դերը տարածաշրջանում», -նշել է ռեկտորը: ԱՀ ԿԳՍ նախարար Ն. Աղաբալյանը, ողջունելով համաժողովի մասնակիցներին և շնորհավորելով ՈԱԱԿ –ին՝ 10-ամյակի կապակցությամբ, նախարարության անունից պատվոգրով և նվերով պարգևատրել է ՈԱԱԿ-ին՝ ի դեմս տնօրեն Ռ. Թոփչյանի՝ ԱՀ-ում մասնագիտական կրթության որակի ապահովման գործում ունեցած ավանդի և Արցախի հետ շահագրգիռ համագործակցության համար: Կարևորելով բուհերի հավատարմագրման գործընթացը՝ նախարարը վստահություն է հայտնել, որ ՈԱԱԿ-ի հետ Արցախի բուհերի համագործակցությունը արդյունավետ է լինելու: ՀՀ Մասնագիտական կրթության ՈԱԱԿ տնօրեն Ռուբեն Թոփչյանը, խոսելով կրթական համակարգում ընթացող բարեփոխումների մասին, նշել է, որ պետք է բարեփոխումների ճանապարհը միասին անցնել, իսկ միասինը ավելի մեծ պատասխանատվություն է ենթադրում: Խոսելով համաժողովի նպատակներից՝ Ռ. Թոփչյանն առանձնացնում է այն հանգամանքը, որ ցանկացած բուհ իր ներսում պետք է ունենա մի մեխանիզմ, որը կզբաղվի ունեցած արդյունքների շարունակական բարելավմամբ, ինչի վերջնարդյունքներից պետք է լինի գործատուների գոհունակությունը բուհի թողարկած շրջանավարտների մասնագիտական որակներից: Նրա խոսքով՝ այս մեխանիզմն է ներդրվում հիմա Արցախի բուհերում: «Այն խնդիրները, որոնք առկա են Արցախի բուհերում, նկատելի են գիտական գրեթե բոլոր միջավայրերում: Եվ եթե մի փոքր լուծում եք գտել այդ խնդիրների համար, հավատացեք, որ հաստատ այն կարժանանա հետաքրքրության, և Արցախը կդառնա հետաքրքրության կենտրոն», -ասել է ՀՀ ՈԱԱԿ-ի պատասխանատուն: Հաջորդիվ շահակիցների հետ տեղի են ունեցել քննարկումներ՝ իրականացվող բարեփոխումների, մարտահրավերների, հաղթահարման ուղիների, հաղորդակցման, որակի մեխանիզմների կառուցման և կիրառման վերաբերյալ: Առաջիկա երկու օրերին սպասվում են առանձին քննարկումներ ինքնավերլուծություն իրականացնող խմբերի հետ, գործնական աշխատանքներ և փորձնական արտաքին գնահատում: |
Spokesperson: Արցախի պետական համալսարան
The article published in the Spokesperson project.
Share with friends
Արցախի պետական համալսարան
13:00, 03.03.2021
2435 | 0
12:48, 24.09.2020
2115 | 0
16:57, 23.01.2020
Արցախի պետական համալսարանն ինքնավերլուծություն է ներկայացրել ՈԱԱԿ և պատրաստվում է արտաքին գնահատմանը
3074 | 0
14:57, 27.09.2019
3758 | 0
22:01, 03.09.2019
3450 | 0
09:56, 05.07.2019
3274 | 0
14:25, 10.06.2019
3192 | 0
09:51, 27.05.2019
5922 | 0
15:10, 21.05.2019
3724 | 0
16:56, 20.05.2019
3339 | 0
15:11, 17.05.2019
3397 | 0
13:20, 17.05.2019
2711 | 0
13:16, 17.05.2019
2678 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.