Քո մեծ մամիկին քանի՞ ես սիրում․․․
Մինչև այգացող, դեպի կեսգիշեր
Էլի ու՞մ կուրծքն ես տիրաբար լափում
Ցից-ցից քարերին պահ տալով հուշեր։
Քո հիշողության Զորաց ո՞ր կողմում,
Հայկի շափրակով ի՞նչ ես կողոմում,
Երբ առասպելը մի կյանք է թվում,
Դարձյալ աշխարհի քո՞քն ես քթվում։
Մտքիդ եկածով ու՞մ ունկն է ծվում,
Ո՞վ է ծղրտում առավոտ կանուխ,
Լաստակոտո՞ր է ալեկոծ ծովում,
Ով սևն ու ծավին կարծում է մամուխ։
Քո սի՞րտն էլ ուզեց թթվաշ հաղեճան,
Ձայն տալու նման, քարավեժ՝ Թռչկան,
Ի՞նչ տանուլ տվեց վանքի աբեղան,
Անստույգ բան է, բարի լույս, Չիչխան։