ՈՒսումնարանի մանկավարժական անձնակազմն աշխատեց` ուղենիշ ունենալով սովորողների հայեցի կրթությունն ու հայրենանվեր դաստիարակությունը:
Ուսումնական ողջ գործընթացում բարձրացվեց կրթադաստիարակչական աշխատանքների մակարդակի որակական վիճակը:
Ընդհանրապես ձմեռային ամիսներին ուսումնարանը պարապուրդ չունեցավ, չխախտվեց ուսումնարանի ռիթմիկ աշխատանքը:

Ուսումնական տարվա ընթացքում անցկացվեցին բազմաթիվ միջոցառւմներ:

Բարելավվեց վերահսկողությունը մանկավարժների գործունեության նկատմամբ: Գոհացուցիչ էր մեթոդմիավորումների կատարած աշխատանքները ուսուցիչների նկատմամբ:

Ուսումնական տարվա ընթացքում պարբերաբար ստուգարքներ և քննություններ անցկացվեցին:

Նոր՝ 2018-2019 ուսումնական տարում, ուսումնարանը իր արջև խնդիր է դրել աշխատել արհեստագործական, միջին մասնագիտական պետական հաստատությունների օրինակելի կանոնադրության դրույթներով ու պահանջներով և ծրագրերի բովանդակության հիման վրա ձևավորել սովորողների անհատականությունը, նրանց նախապատրաստել ինքնուրույն կյանքի և աշխատանքի, Ծնողների և ուսանողների հետ համատեղ ջանքերով դաստիարակել հոգեկան անկախ զգացումներով, որոնող մտքով և վերլուծական կարողություններով օժտված անհատներ, նրանց մեջ դաստիարակել հայրենասիրություն, քաղաքացիական պարտքի զգացում:

Մենք գտնում ենք, որ անկախ, ազատ հասարակության մեջ առավել կարևոր է կրթությունը ի շահ անհատի, հասարակության ու պետության:

Նրա որակական ուղղվածությունը կախված է կրթության նպատակաուղղվածությունից:

Այստեղ հետևում է ուսանողների գլխավոր նպատակը՝ ձևավորել ինքնուրույն մտածող, ստեղծագործող, մարդասեր, ներքուստ ազատ անհատ, որն ընդունակ լինի գնահատել ու հարգել ինչպես իրեն, այնպես էլ ուրիշներին:

Առաջադրած նպատակը հետամուտ է ավանդական մանկավարժության գործընթացի վերանայմանը:
Վերոնշյալ ուղենիշներով առաջնորդվելով, այս ուսումնական տարում ուսումնարանում գործում են «Խոհարարական գործ» միջնակարգ ընդհանուր կրթության հիմքով, «Խոհարարական գործ» հիմնական ընդհանուր կրթության հիմքով, «Տրանսպորտային միջոցների շահագործում և նորոգում» հիմնական ընդհանուր կրթության հիմքով, «Ատաղձագործական մանրահատակագործական, ապակեգործական աշխատանքներ» հիմնական ընդհանուր կրթության հիմքով խմբերը:

Մամիկոն Շահբազյան
Աբովյանի N1 արհեստագործական պետական ուսումնարանի տնօրեն