Այսօր Աբովյանի Պետական Քոլեջում մեկնարկեց Կոտայքի մարզպետարանի մշակութային միջոցառումների ծրագրի շրջանակներում կազմակերպած մարզային ցուցահանդեսը, որին իրենց հետաքրքիր ստեղծագործություններով մասնակցում են մարզում բնակվող երիտասարդ, միջին և ավագ սերնդի տաղանդավոր նկարիչներ: Գոհունակությամբ պետք է նշեմ, որ մեր մարզի գեղանկարիչները հաջողությամբ մասնակցում են նաև հանրապետական ու միջազգային տարբեր ցուցահանդեսների` արժանանալով արվեստասեր հասարակության բարձր գնահատականին: Մենք անվերապահորեն սատարել ենք և հետայսու ևս լայն աջակցություն ենք ցուցաբերելու սերունդների համակողմանի դաստիարակության և գեղագիտական բարձր ճաշակի ձևավորմանը միտված ամեն մի նախաձեռնության: Լիահույս եմ, որ այս ցուցահանդեսը ևս կծառայի իր բուն նպատակին ու էապես կնպաստի մարզի մշակութային կյանքի աշխուժացմանը և ստեղծագործական նոր մտահղացումների ազդակ կհանդիսանա ինչպես արդեն վաստակաշատ, այնպես էլ շնորհալի երիտասարդ գեղանկարիչների համար: Եվս մեկ անգամ շնորհավորում եմ բոլոր մասնակիցներին և մաղթում ամենայն բարիք: ՀՀ Կոտայքի մարզպետարան |