USD 402.56, EUR 440.64, RUB 4.58, GBP 505.01
+20 °C, +14 °C ... +26 °C Tomorrow:+25 °C
+20 °C, +14 °C ... +26 °C Tomorrow:+25 °C
Ստի, կեղծիքի մասին
18:25, 28.01.2020
4627 | 0
Միևնույն պնդումը կարող է լինել և՛ ճշմարտություն, և՛ սուտ՝ կախված նրանից, թե ինչ համատեքստում է գործածված: Իսկ համատեքստը միշտ էլ բազմաշերտ է: Ավելի վատթարն այն է, որ ճշմարտությունը կարող է ծառայել ստին, ստի դեր խաղալ ու սուտ լինել: Էլ ավելի վատթարը, բարդն ու նենգն այն է, որ սուտը կարող է ճշմարտության դերի մեջ մտնել ու ճշմարտություն հանդիսանալ: Ներկայացնում են նշանավորներից մի քանիսի կարծիքը հիշյալ երևույթի մասին: ***** «Յուրաքանչյուր հիմար կարող է ճշմարտությունն ասել, բայց տրամաբանված ստելու համար մարդու գլխում խելք պիտի լինի»: Սեմուել Բաթլեր (1835 - 1902), անգլիացի գրող, նկարիչ, թարգմանիչ ***** «Թող ուրիշները զբաղվեն ոչ ճշմարտանման ճշմարտությամբ ու բացահայտեն այն: Ճշմարիտը ոչինչ է, ճշմարտանմանը՝ ամեն ինչ»: Բերթոլդ Բրեխտ (1898 - 1956), գերմանացի բանաստեղծ, դրամատուրգ, արձակագիր ***** «Խնդրո՛ւմ եմ, մի՛ գործածեք այդ օտարերկրյա «իդեալ» եզրույթը: Ասացեք պարզ, մեր լեզվով, ասացեք՝ «սուտ» »: Հենրիկ Իբսեն (1828 - 1906), նորվեգացի դրամատուրգ ***** «Սուտը և լռելը ծանր մեղքեր են, որոնք փարթամորեն աճել են ժամանակակից հասարակությունում: Մենք, հիրավի, կա՛մ շատ ենք ստում, կա՛մ լռում ենք… Եթե թեկուզ մեկ անգամ աշխարհին խաբես, ստիպված ես լինելու մնացյալ կյանքիդ ամբողջ ընթացքում ստել ու հերթական սուտդ կապել նախորդ ստերի հետ: Այդպիսի կյանքը հոգեկանիդ համար իսկական դժոխք է: Աստված չանի՝ թեկուզ մեկ անգամ սխալվես. և՛ ինքդ կխորտակվես, և՛ քո նավի ամբողջ անձնակազմին կխորտակես: Մի՞թե այդպես չէ»: Հարուկի Մուրակամի (1949 - …), ճապոնացի գրող և թարգմանիչ ***** «Մի՛ հավատացեք ձեր լսածներին, և մասամբ հավատացեք ձեր տեսածներին»: Էդգար Ալեն Պո (1809 - 1849), ամերիկացի գրող, բանստեղծ, գրաքննադատ ***** «Ցանկացած անձ, որը թեկուզ մեկ անգամ բռնությունն է հռչակել որպես իր գործունեության եղանակ, պետք է անխուսափելիորեն սուտը դարձնի իր սկզբունքը»: Ալեքսանդր Սոլժենիցին (1918 - 2008), ռուս գրող, հրապարակախոս ***** «Կրկնված սուտը ճշմարտություն է դառնում»: Շատոբրիան (1768 - 1848), ֆրանսիացի գրող և դիվանագետ ***** «Հեշտ չէ բնորոշել ճշմարիտը, բայց սուտը հաճախ հեշտությամբ է ճանաչվում»: Ալբերտ Էյնշտեյն (1879 - 1955), ֆիզիկոս
|
Author: Համլետ Մելիքյան
The article published in the Spokesperson project.
Share with friends
Համլետ Մելիքյան
09:58, 14.04.2024
320 | 0
10:56, 01.04.2024
267 | 0
13:18, 30.03.2024
380 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.