Ռեֆորմիստների կուսակցության նախագահ վահան Բաբայանն իր ֆեյսբուքյան էջում գրում է. «Երբ քաղաքական գործիչները կամ հասարակությունները չեն կարողանում լուծումներ գտնել իրենց երկրների ճգնաժամները լուծելու համար առաջ են գալիս գեներալները: Նորագույն պատմության մեջ շատ են պատահել նման դեպքեր: 20-րդ դարում մեզ հայտնի գեներալներից կարող ենք թվարկել շատերին ում անունը ծանոթ է աշխարհի յուրաքանչյուր կրթված մարդու Պինոչետ, Ֆրանկո, Հուսեյն, Քադաֆի, որոնց անունները աշխարհում ոչ միանշանակ են ընկալվում: Գուցե այս բարդ ճգնաժամում, երբ Արցախը պետք է շարունակի իր պայքարը ինքնորոշման և անկախ գոյության համար նույնպես զարգանա գեներալների սցենարով` իհարկե դրա դրական տարբերակով, քանի որ ի տարբերություն թվարկածս շատ դեպքերի Արցախը գնում է ժողովրդավարական ճանապարհով և թե գեներալ, թե շարքային պետք է ստանան արցախցիների վստահության քվեն Արցախի նախագահական ընտրություններում: Հ.Գ Անպատասխան է մնում այսօր էլ այս մշտական հարցը` անհատն՞է կերտում պատմությունը, թե՞ պատմությունը անհատին»: |