MAMUL.am
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Tomorrow:+20 °C
Վեց զվարճալի հիշողություն Ազնավուրի մասին. «Նա պիտի համակերպվեր իր իսկ տանը Ժուլիան Լըպերից պարտված լինելու իրողությանը»
21:41, 30.03.2020
3632 | 0

Շարլ Ազնավուրի ամենամտերիմ ընկերները նրան հիշում են որպես առատաձեռն, խոնարհ, երբեմն՝ պարզ, երբեմն՝ արտառոց ճաշակի տեր մի անձնավորություն: Աշխարհահռչակ շանսոնյեի մահվան հաջորդ օրը նրա մոտ ընկերներ Միշել Դրյուքերն ու Ժան-Լյուք Փըթիթռանոն, հյուրընկալվելով «Եվրոպա 1» ռադիոկայանում, մի քանի զվարճալի դեպք են պատմել նրա կյանքից:

Այս զվարճալի դիպվածը մտապահել է Միշել Դրյուքերը, որը երեք օրը մեկ հեծանիվով գնացել է Ազնավուրի տուն, որտեղ երգիչն ապրել է իր կնոջ՝ Ուլլայի հետ:

«Ազնավուրն ամենուր աստղ էր, բացի իր տնից, - պատմել է Դրյուքերը: - Ծագումով շվեդ ու նիդերլանդուհի Ուլլան, ինչպես սկանդինավցիներից շատերը, սառնարյուն էր և շատ տաքն ու «Միստրալ» -ը (հյուսիսարևմտյան ուժեղ ու սառը քամի) չէր սիրում: Երբ ես նրանց տուն էի մտնում ժամը 17 – 18-ին, Ազնավուրն ինձ ասում էր. «Գնանք իմ աշխատասենյակ, որպեսզի Ուլլայի ուշադրությունը չշեղենք. նա «Հարցեր չեմպիոնին» հաղորդումը երբեք բաց չի թողնում»:

«Ուլլայի կուռքը Ժյուլիան Լըպերն էր, - ասել է Միշել Դրյուքերը՝ ծիծաղելով: - Շարլ Ազնավուրը՝ մոլորակային մասշտաբի աստղը, պիտի համակերպվեր իր իսկ տանը Ժուլիան Լըպերից պարտված լինելու իրողությանը»:

(շարունակելի)

Նկարում՝ Ժուլիան Լըպերը:

The article published in the Spokesperson project.
Share with friends
Համլետ Մելիքյան
16:35, 27.03.2024
227 | 0
to top