MAMUL.am
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+3 °C, +3 °C ... +16 °C Tomorrow:+19 °C
ՈՒՐԻՇԸ ԵԿԵԼ Է…
09:57, 25.11.2020
6103 | 0


Լսում ես հերթական իրար վրա գցոցի դավաճանական քայլերի մասին ու չես կարողանում հասկանալ թե ո՞ր մեկն էր այդ…բայց ի՞նչ կարևոր է թե որ մեկն է, կարևորը, որ եղել է ու ցավով ասեմ, որ ո՛չ թե եղել է այլ եղե՛լ ԵՆ:

Այդպես եղել է, բոլոր դարերում ու մինչև հիմա մենք այդպես էլ չէինք կարողանում հասկանալ, որ սահմանները չեն գծվում

գրիչով, վրձինով, նոտաներով,

աստղագիտություն իմանալով, դոլարի գույն հայտնաբերելով,

գունավոր հեռուստացույց հնարելով, ճարտարապետական կոթողներ ստեղծելով, …ո՞ր մեկը նշեմ:

Միգուցե հիմա մեր աչքերով տեսնելուց հետո հասկանանք, որ Հայրենիքի սահմանները ՆԱԽԵՎԱՌԱՋ գծվում են հրացանի փողով հետո նոր ամրագրվում վերոնշյալ արժեքներով:

Գնչուների նման ընկած աշխարհով մեկ ամեն արժանի ու անարժանի սկսում ենք բացատրել, որ մենք աշխարհում առաջին քրիստոնեական ազգն ենք, բայց մեր սահմանները պահում են ուրիշները,

մեր սուրբ վանքերը հսկում են ուրիշները,

որ մենք ամենախելացի ազգն ենք, բայց չգիտենք ապրելու արվեստը,

գյուտարար ենք, բայց միայն ուրիշների համար,

հավատարիմ ենք բայց ոչ սեփական ազգին,

որ սիրում ենք աթոռը ու աթոռին կպած սկսում ենք խմել տարի առ տարի ավելացող տխուր կենացները:


Տխուր ստացվեց, տխուր օրեր են և նույնիսկ այս օրերին սկսում ենք իրար համոզել, որ ամեն ինչ լավ է, ՈՒՐԻՇԸ ԵԿԵԼ Է ու ինչ որ մերն է կվերցնի ու կտա մեզ,

կասի վերցրեք, վայելեք, որովհետև ձեր այբուբենը աստվածային է,

դուք եք Աստծո միակ ազգը,

ամեն ինչ ձեզնից է սկսվել նույնիսկ навигация բառը (Քյավառի բառբառով ՆԱՎԸ ԳԱՑԵ արտահայտությունից),

բոլորը ձեզ պարտք են դուք՝ ոչ մեկին,

ծիծաղեք բոլորի վրա, թերագնահատեք թշնամուն,

հպարտացեք որ ունեք 50-ից ավելի կուսակցություններ ասել կուզի 50-ից ավել գաղափարներ ապրելու ու կառավարելու, բայց այսօր նստել եք կոտրած տաշտակի առաջ ու տաշտակ վերանորոգող չունեք, քանի որ բոլորը գեներալներ են, քաղաքագետներ են, դաս տվողներ են, դիվանագետներ են, բանաստեղծներ են, վարչապետներ են, նախագահներ են…


Մասիսը մերն է, բայց ուրիշ տեղ է, Վանա լիճը մերն է, բայց ուրիշ տեղ է, վանա տառեխն ամենահամովն է, բայց վայելում է ուրիշը՝ այն ուրիշը, որի և այբուբենը և քերականությունը մենք են ստեղծել:

Առջևս ընկած կոտրված տաշտակի ճեղքից նայում եմ քոչվորին հրամցված մեր Սուրբ հողի որբացած կտորներին, մեր Սուրբ աղոթատեղերին ու ցանկանում եմ ԲՂԱՎԵԼ, որ կապ չունի մերն է, բայց այս անգամ չգիտես ինչո՞ւ չի ստացվում,

Չի ստացվում…


Ս. Հարությունյան

The article published in the Spokesperson project.
Share with friends
Ստեփան Ումառ-Հարությունյան
22:03, 25.03.2024
256 | 0
14:27, 06.03.2024
242 | 0
00:16, 29.01.2024
362 | 0
22:42, 16.01.2024
304 | 0
21:28, 15.01.2024
324 | 0
13:30, 09.01.2024
422 | 0
13:16, 30.12.2023
432 | 0
12:50, 21.12.2023
402 | 0
21:14, 19.11.2023
392 | 0
23:34, 23.10.2023
430 | 0
10:18, 11.10.2023
431 | 0
21:34, 19.09.2023
786 | 0
to top