Կոնեկտիկուտ նահանգի Հարթվորդ քաղաքում արգելված է շներին հետևի ոտքերի վրա կանգնեցնելը: Այս քաղաքում մյուս արգելքը վերաբերում է ամուսնական զույգերին ու փողոցն հատելուն. տղամարդն իրավունք չունի կիրակի օրերին գրկել իր կնոջը և ձեռքերի վրա կանգնած անցնել փողոցը: Նոր Անգլիայում, որն ընդգրկում է Կոնեկտիկուտ, Մեն, Մասսաչուսեթս, Նյու Հեմփշիր, Ռոդ Այլենդ և Վերմոնտ նահանգները, հրշեջ մեքենաների արագությունը ժամում 40 կիլոմետրից չպիտի գերազանցի, եթե նույնիսկ այն շտապում է բռնկված հրդեհի վայր: Այստեղ նաև արգելված է սափրվելուց հետո ածելու սայրը դեն նետելը: Հյուսիսային Դակոտա նահանգի Ֆարգո քաղաքում մարդուն կարող են բանտարկել, եթե նա պարելիս գլխարկ դրած լինի: Այստեղ անօրինական արարք է համարվում կոշիկներն հագին քնելը: Հարավային Դակոտա նահանգի օրենսդիրներն արգելել են պանրի գործարանում քնելը: Այստեղ նաև արգելված է ցուցադրել այն կինոնկարները, որոնցում ոստիկանության սպաները վատ կեցվածք ունեն: Դելավեր նահանգի Լյուիս քաղաքում արգելված է պրկագրկող տաբատ հագնելը: Այս քաղաքում նաև ապօրինի է համարվում գրազով ամուսնությունը: Դելավերում արգելված է առանց բավարար քանակության ջրի ու սննդի պաշարի թռչել ցանկացած ջրամբարի կամ լճի վրայով: Ֆլորիդայի Մայամիում տղամարդուն արգելված է առանց ձգափոկ շրջազգեստ կրելը: Եթե այրի կանայք կիրակի օրը անկարգելով (պարաշյուտ) վայրէջք կատարեն, կհայտնվեն բանտում: Այս նահանգի Սարատոսա քաղաքում լոզազգեսն հագին երգելն արգելված է: Ջորջիա նահանգում 16-ից 50 տարեկան բոլոր տղամարդիկ պարտավոր են հոգածու լինել ճանապարհներին և մասնակցել ճանապարհաշինական աշխատանքներին: Այս նահանգի Կոլոմբուս քաղաքում արգելված է անպարկեշտ ձևով նստել որևէ մեկի տան առմուտքին: Քուիթմեն քաղաքում հավին արգելված է փողոցն հատելը, իսկ խանութի ցուցափեղկի մանեքենի զգեստը փոխելիս պահանջվում է վարագուրել այդ գործողությունը: Հավայան կղզիներում արգելվում է միայն լողալու գլխարկ դրած, բայց ամբողջովին մերկ զբոսանքը: Նաև արգելված է առանց հատուկ թույլտվության մանգուստ պահելը: Պոկատելո քաղաքում արգելված է անօրինական զենք կրելը, եթե օրինական զենքը տեսանելի է: Այս նույն քաղաքում հետիոտներին ու վարորդներին արգելված է ծամածռություններ, անպարկեշտ շարժումներ անել, հայհոյել կամ այնպիսի արտահայտություններ անել, որոնք կարող են վարկաբեկել տեղի բնակչությանը: Հավայան օրենքը սահմանել է, որ նվիրած կոնֆետների տուփը, որպես սիրո առհավատչյա, 25 ֆունտից (12 կիլոգրամ) ավելի քաշ չպիտի ունենա: (շարունակելի) |