MAMUL.am
Hay / Հայ | Рус | Eng | Tür
USD 486.24, EUR 578.33, RUB 6.66, GBP 679.23
+30 °C, +19 °C ... +30 °C Tomorrow:+33 °C
Քո Ցավը
10:43, 26.02.2021
1458 | 0


Յուրաքանչյուր մարդ ունի հիշողություն,

որտեղ գերիշխողը տխուր պահերն են…

Կորստի ցավը…

ղողանջող լռությունը…

խելագարության հասցնող դատարկությունը…

սիրելի մարդու աչքերի սառնությունը…

բաժանման րոպեները…

սպասման ժամերը…

միայնության զգացումը և դրանց գումարած

Ա՛ՅՆ, ինչի մասին, որ չես ցանկանում հիշել…

Ա՛ՅՆ, որը կծկում է սիրտդ…

Ա՛ՅՆ, որն արցունք կոչվող հեղուկի տեսքով դուրս է թափվում աչքերից…

Ա՛ՅՆ, որը մարդիկ ցանկանում են թաքցնել հեռու մի տեղ և փորձ անում երբեք չհիշել նրա մասին ու դրանից դառնում ծիծաղելի, տարօրինակ…

Կարելի է հոգնել կյանքից,

Քեզ շրջապատող մարդկանցից…

Կարելի է փախչել ինքդ քեզնից…

Կարելի է փորձել չլսել ներքին ձայնը…

Կարելի է սկսել նոր կյանք՝ մաքուր թղթից,

Բայց այս բոլոր §կարելիները¦ անօգուտ են…

Քո ցավը քեզ ամեն տեղ կգտնի,

Նա արտաքինից չէ, նա ապրում է քո ներսում,

Նա կարող է հայտնվել ցերեկով,

Գիշերով,

Նրան մոռանալ չի ստացվի,

Ոչ մի տեղ նրանից չես կարող փախչել,

Նա քո անբաժանելի մասն է,

Դու չես կարող նրան նվիրել ինչ որ մեկին,

Չես կարող Նրան մոռանալ,

Նա քո շարժիչն է, որ քեզ ստիպում է առաջ շարժվել,

Առանց նրա դու ՈՉԻՆՉ ես,

Առանց նրա դու մի գուտապերչյա տիկնիկ ես՝

արտաքինից գեղեցիկ,

իսկ ներսից մահվան նման…

Դա քո Ցավն է…

Նա կյանք է ստանում մի այլ՝ կյանքին ոչ սովոր մեղեդիով, որի տակ քեզ թվում է թե հույսն է գլուխ բարձրացնում, իր թևերով փորձ անում քեզ թռցնել կապ չունի թե ուր,

Այդ մեղեդու տակ ես զգում ջերմության անհրաժեշտությունը…

Դա քո Ցավն է՝ ավերիչ ու միաժամանակ հաճելի-սեփական…

Ցավով դժվար է ապրել, բայց առանց նրա անհնար է…

Այդ քաղցր-դառնությամբ ես դու տարբերվում մեկ ուրիշից…

Դու նրան ոչ մեկի չես տա…


Ս. Հարությունյան


«Ինչքան էլ որ մարդ պնդի, ինչպիսի բառերով որ կարողանա մերժել ցավը, նա միշտ կգտնի պատճառ ու միջոց նրան ձեռք բերելու, սիրահարվելու և անելու այնպես, որ ցավը դառնա իր կյանքի մի մասը…»

Պաուլո Կոելյո



The article published in the Spokesperson project.
Share with friends
| |
Ստեփան Ումառ-Հարությունյան
02:41, 27.07.2021
291 | 0
11:01, 22.05.2021
430 | 0
16:36, 09.05.2021
574 | 0
09:39, 18.04.2021
616 | 0
05:37, 25.03.2021
643 | 0
19:20, 27.02.2021
1641 | 0
10:43, 26.02.2021
1458 | 0
11:29, 01.01.2021
2459 | 0
12:22, 27.12.2020
1876 | 0
to top