Ոստիկան քեզ ՀԱՄԲԵՐՈՒԹՅՈՒՆ

և անկեղծ ասած Աստված չանի համբերությանդ բաժակը լցվի,

բայց դե ամեն բան ունի սահման…

Աբովյան – Պուշկին խաչմերուկ, ա՜յ քեզ պատահականություն, փողոցներն

ակամա հիշեցրին Աբովյանի ՕՐՀՆՎԻ՛ ԷՆ ՍՀԱԹԸ, ՈՐ ՌՍԻ ՕՐՀՆԱԾ ՈՏԸ…

և Պուշկինի

Поди ты прочь — ты мне не сын,

Ты трус, ты раб, ты армянин!

Իսկ ցուցարարները նստել են ու երգում են «Զարթնիր լաո»:

Մի զբոսաշրջիկ մոտեցավ ու անգլերենով հարցնում է, թե անգլերեն խոսո՞ւմ եմ,

անգլերենով ասացի, որ չեմ հասկանում, անցավ ռուսերենի ու կոտրված ռուսերենով հարցնում է թե ովքե՞ր են, ի՞նչ են ուզում, ցույց տալով ցուցարարներին, որոնց շարքում իբր հպարտ երևաց Ռոբերտ Քոչարյանի դեմքը:

Հոգուս մեղք չանեմ, որ ամաչեցի ցուցարաների համար ու ասացի.

- Հեչ, ալբանացիներ են, իրենց համար երգում են:

- Բայց ի՞նչու են Թուրքիայի «Ֆեներբախչե» ֆուտբոլային ակումբի հիմնը երգում:

- Դա հայկական ժողովրդական երգ է, ի՞նչ թուրքական:

- Ոչ, ես լավ գիտեմ, - ու միացրեց հեռախոսը, որտեղից լսվեց Զարթնիր լաո-ի երաժշտությամբ թուրքական ինչ որ երգ,

(հետո ճշտեցի, որ այդ երաժշտությանբ իրոք «Ֆեներբախչե» ֆուտբոլային ակումբի հիմն է բառերն էլ

«Հագիր մարզազգեստդ, դուրս արի խաղադաշտ, հոգի դիր խաղիդ մեջ, ցույց տուր կատաղությունդ, դուշմանը կպարտվի, հաղթանակը մոտ է: Ձեռքի ուժ կա, շունչ կա, հոգիներ կան, որոնք կարող են տրվել «Ֆեներբախչեին»)

Ոստիկանները մի կերպ զսպված համբերությամբ փորձեր էին անում ազատել խաչմերուկը երևի թե մտքներում ասելով.

«Արա դե լա՜վ էլի, մենք էլ ենք ԼԱՈ, զարթնե՜լ ենք, ի՞նչ եք ուզում, թողեք հանգիստ մեր ծառայությունն անենք»

Սուլթան կ՛ուզէ ջնջել մզի
Զարթնիր լաո, մեռնիմ քզի…

ՀԱՄԲԵՐՈՒԹՅՈՒՆ քեզ ՈՍՏԻԿԱՆ

Բայց ամեն բան իրոք ՉԱՓ ՈՒ ՍԱՀՄԱՆ ունի