*** Ես մի բառ եմ գտել հիմա ու չե՜մ կարող արտաբերել, Բայց, այնքան է նա գեղեցի՜կ, ու այնքան է տարողունակ, Որ թվում է, թե նա ի՛մ իսկ անցած կյանքն է, Որ թվում է` ես այդպես եմ ապրել միայն – կույրզկուրա՜յն… Կույրզկուրա՜յն… արի՛ ինձ մոտ, Զորօրինակ բացված շերտով, Զորօրինակ` առանց քողի, Զորօրինակ` դեռ ամոթխած` դեռափթիթ ծաղկի հանգո՜ւյն… Կույրզկուրա՜յն… քո արցունքն էլ պիտի մաքրեմ, Թե լաց լինես հանկարծ սրտի խորունկ ցավից, Ու քո վերքը վիրակապեմ, թե դրանից կլավանա կյանքդ` Միայն ի՛մ համբույրի՜ց… Կույրզկուրա՜յն… որոնում եմ, որ գտնեմ քեզ, Կույրզկուրա՜յն… որոնում եմ, ու չե՜մ գտնում… |