հանդիսավոր թալան եղավ,
համընդհանուր մի կողոպուտ,
աստվածն անգամ կանչեց՝ մեղա,
խղճիս վրա տեղաց կարկուտ,

ազատությունն, ավաղ, բախտ չէ,
արշավանք է որկրամոլ,
հայոց ներկան էլ դրախտ չէ,
անապագա է եւ անամոթ...

Որից ոչինչ էլ ծիլ չի տա,
չի ժառանգի այգին անդորր,
հայն՝ աղոթքն իր երեկ ցիտած,
անեծքի է փոխում այսօր,

քանզի սխալն առավ թեւեր,
բերանքսիվայր մնաց բարին,
խառնվել են սպի ու վերք,
դատարկ տակառ է նոր տարին,

նեղաչվիներն աթոռ առան,
խաչն է սնվում կախաղանից,
դահիճների զարմիկ դառան՝
խռովածներն Հայաստանից,

առատաձեռն ապրող ոգին
քամուն տրվեց զոհաբերմամբ,
աստծո հետ է մեր ոչ ոքին,
սատանան թող լռի դիտմամբ:

© Ապրիլի 19, 2014 թ., Լոս ԱՆջելես: