Դպրոցի ամանորյա միջոցառումներից հերթականը տրվեց անգլերենով: Անգլերենի հմուտ ուսուցչուհի Աննա Պապոյանը նաև միջոցառումների վարպետ-հեղինակ է, հերթականը այսօրվանն էր. Եվրոպան այսօր նշում է Սուրբ Ծնունդ: Տոնը նշվեց նաև մեր դպրոցում:

4-7-րդ դասարանի աշակերտները վարժ անգլերենով ներկայացրին Սուրբ Ծննդի խորհուրդը, նրա դերն ու նշանակությունը: Վարագույրները բացվեցին և բեմին հայտնվեցին քնքուշ գեղեցկուհիները, որոնք իրենց պարով տեղափոխեցին մեզ Եվրոպա: Արքունիքում որոշվում էր նրբիկ Սպիտակաձյունիկի ճակատագիրը: Դահիճը ներողամիտ էր. հերոսուհին հայտնվեց 7 թզուկների հյուրընկալ օջախում: Հեքիաթի հերոսների հյուրընկալությունն ու բարությունը վարակիչ էին բոլորիս համար: Երեխաները հնչեցրին իրենց բարեմաղթանքները. թող Նոր Տարին բարին բերի...