Այսօր Կոտայքի մարզպետ Ռոմանոս Պետրոսյանը ընդունել է Գլենդելի քաղաքապետ Զարեհ Սինանյանին:
Սփյուռքահայ գործիչ Զարեհ Սինանյանը մեծ ոգևորությամբ է ընդունել Հայաստանում իրականացված թավշյա հեղափոխությունը: Նա նշել է, որ հեղափոխությունից հետո տարբեր սփյուռքահայ գործարարներ ցանկություն են հայտնել այցելել Հայաստան՝ տարատեսակ ծրագրերով:
Կոտայքի մարզպետի հետ զրույցի ժամանակ Զարեհ Սինանյանը հայտնել է, որ սեպտեմբեր ամսին նախատեսում է Կալիֆոռնիա նահանգից մեծ պատվիրակության այց Հայաստանի Հանրապետություն: Պատվիրակության կազմում լինելու են սիլիկոնային հովտի առաջատար IT կազմակերպությունների ներկայացուցիչներ, ագրարային բիզնեսի ներկայացուցիչներ և խորհրդատուներ, նաև սփյուռքահայ գործարարներ: Համաձայնություն է ձեռք բերվել սեպտեմբերյան այցի ժամանակ Կալիֆոռնիայի պատվիրակությանը ընդունել նաև Կոտայքի մարզում:
Ռոմանոս Պետրոսյանը նաև Գլենդելի քաղաքապետին է նվիրել Նիկոլ Փաշինյանի «Երկրի հակառակ կողմը» գիրքը:



http://kotayk.mtad.am/news/item/2018/06/19/yndunelutyun190618/