Ռեֆորմիստների կուսակցության փոխնախագահ` Կարեն Վարդանյանն իր ֆեյսբուքյան էջում գրում է.
«Նախագահ Սերժ Սարգսյանի Բադեն-Բադենի նկարը տարածող լրատվամիջոցներ, դուք շատ էժան քայլ եք անում և փաստացի զբաղված եք ստախոսությամբ, որովհետև այդ նկարը 3 տարվա նկար է: Սմբատ Լպուտյանը, ով այդ նկարում նախագահի հետ է, այս պահին գտնվում է Երևանում:
Սերժ Սարգսյանը, այո, հիմա հանգստանում է Բադեն-Բադենում և լավ է անում, իր հաշվին է հանգստանում և ոչ ձեր հաշվին:
Դուք ավելի լավ է գրեք, թե ինչպես է Մարության Հայկը թալանում Երևանի բյուջեն՝ 56 միլիոն դրամ դուրս գրելով պարգևավճարների համար:
Ավելի լավ է գրեք, թե ինչպես Փաշինյան Նիկոլի այսպես ասած՝ այցը Վիետնամ և Սինգապուր պետության համար բերեց զրո օգուտ, այսինքն դա զուտ տուրիստական ճամփորդություն էր պետության հաշվին, փաստացի՝ պետական միջոցների թալան:
Իսկ Սերժ Սարգսյանը հանգստի իրավունք ունի, ինչպես և բոլորս»: