Ռեֆորմիստների կուսակցության փոխնախագահ Կարեն Վարդանյանն իր ֆեյսբուքյան էջում գրում է. «Փաշինյանը գրում է, թե 2019 թվականի հունվար-հունիս ամիսներին պաշտոնապես գրանցված գործազուրկների միջին ամսական թվաքանակը նախորդ տարվա նույն ժամանակահատվածի նկատմամբ նվազել է 6.4%-ով: Չգիտեմ, թե որտեղից են ստացվել այս թվերը, բայց նույնիսկ եթե դա այդպես է, դա չի նշանակում իրական գործազուրկների քանակի նվազում: Այստեղ խոսքը միայն գրանցվածների մասին է, իսկ թեկուզ հենց վերջին մեկ տարում գործազուրկ դարձած մարդիկ գրանցվել ե՞ն որպես գործազուրկ: Կարծում եմ՝ ոչ:
Համենայն դեպս, իրական պատկերը ակնհայտորեն տարբերվում է գրանցված ցուցանիշներից և դեռ հարց է՝ գործազուրկների քանակը նվազե՞լ է, թե՞ ավելացել»: