Ըստ երևույթին, արևային ճանապարհը ոչ մի օգուտ չբերեց Ֆրանսիային: Հուլիսին ֆրանսիական LeMonde օրաթերթը հայտնել է, որ 0, 6 մղոն երկարությամբ արևային ճանապարհը չի ծառայում իր նպատակին: 2016-ի դեկտեմբերին, երբ առաջին անգամ շահագործման հանձնվեց արևային ճանապարհը, Ֆրանսիայի շրջակա միջավայրի նախարարությունը այն անվանեց «աննախադեպ»: Ֆրանսիացի պաշտոնյաները ասում էին, որ ճանապարհը, որը պատրաստված է ֆոտովոլտային վահանակներից, էլեկտրականությամբ կապահովի Տուրուվրե քաղաքի լուսարձակները: Սակայն երեք տարի անց, Global Construction Review-ի կողմից հրապարակված զեկույցում ասվում է, որ Ֆրանսիայի ճանապարհային երազանքը կարող է ավարտվել: 2018-ին ճանապարհի մի մասը պետք է քանդվեր ճաքերի պատճառով: Նույնիսկ ամենաարդյունավետ շրջանում արևային ճանապարհը մատակարարում էր սպասվող էներգիայի միայն կեսը, քանի որ ինժեներները հաշվի չէին առել, որ ճանապարհի վրա փտած տերևներ են թափվելու: Ահա, թե ինչպիսին էր ճանապարհը, երբ դեռ նոր էր շահագործման հանձնվել և ինչպիսին է այն այսօր: |