Այս Հակոբոսը հաճախ Հիսուսի եղբայր է համարվում, ահա թե ինչու նա և Քրիստոսը սովորաբար պատկերվել են իրար նման: Այս նմանությունն օգնում է նրան նույնականացնել այնպիսի նկարներում, ինչպիսին, օրինակ, «Խորհրդավոր ընթրիք» -ն է: Ոմանք այն կարծիքին են, թե հենց այդ նմանությունն է եղել պատճառը, որ Հուդան համբուրել է Հիսուսին, որպեսզի զինվորներն իմանան, որ հենց նրան պետք է ձերբակալել:

Նրա մասին հիշատակում է Պողոսը (Գաղաթացիներին, 1, 19): Նա, ըստ ավանդության, դարձել է Երուսաղեմի առաջին եպիսկոպոսը:

Կան տեղեկություններ այն մասին, թե այս Հակոբոսին նետել են տաճարի կտուրից, ապա քարկոծելով սպանել: Ավանդազրույցը պատմում է, թե այնտեղ գտնվողներից մեկը վերցրել է մահուդ լմող փայտե ձողն ու Հակոբոսի գլխին այնպես է խփել, որ նրա գանգուղեղը թափվել է: Պատկերներում Հակոբոսի ձեռքին մահուդ լմող փայտե ձող է կամ դրան նմանվող մական: Կան նկարներ, որոնցում Հակոբոսի ձեռքին մահուդագործական աղեղ է: 14-րդ դարում գերմանացի մահուդագործներն այդպիսի աղեղներ են գործածել՝ հատկապես գլխարկների համար անհրաժեշտ կտորն արտադրելու համար: Ահա թե ինչու Հակոբոսը համարվել է գլխարկագործների, մետաքսավաճառների ու միջնադարյան նմանատիպ ընկերակցությունների հովանավորը:

Ավերտարանի որոշ աղանդավորական վարկածների համաձայն՝ նրան խաչել են Քրիստոսի փոխարեն: