МАМУЛ.ам
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +5 °C ... +15 °C Завтра+20 °C
Հույն պատմիչ և աշխարհագետ Ստրաբոնն այն մասին, թե ինչու են իշխողները կարևորում առասպելները
19:07, 29.07.2020
6351 | 0

Առաջին պատմիչներն ու ֆիզիկոսները եղել են առասպելների առաջին հորինողները:

...Միայն բանաստեղծները չէ, որ ընդունել են առասպելների արժանահավատությունը: Պետություններն ու օրենսդիրները բանաստեղծներից շատ առաջ առասպելներն ընդունել են դրանց օգտակարությունը նկատի առնելով:

...Ցանկացած անգրագետ ու չկրթված մարդ որոշակի առումով երեխա է և երեխայի պես սիրում է առասպելներ: Այդ հատկությամբ աչքի է ընկնում նաև կիսակրթված մարդը, քանի որ նրա բանականությունը բավարար չափով զարգացած չէ և, բացի այդ, նա պահպանում է մանկությունից ժառանգած սովորույթը: Բայց քանի որ առասպելներում հրաշքի տարրը ոչ միայն հաճույք է պատճառում, այլև սարսափ է ներշնչում, ապա մենք կարող ենք երկու տեսակի առասպելներն էլ օգտագործել և՛ երեխաների, և՛ չափահասների համար:

...Գործ ունենալով կանանց ամբոխի կամ ամեն տեսակի պարզամիտ մարդկանց հետ՝ փիլիսոփան չի կարող նրանց բանական փաստարկներով համոզել կամ նրանց մեջ պատվախնդրություն ու հավատ ներշնչել. Այս դեպքում սնահավատ վախ է հարկավոր, իսկ այն անհնար է ներշնչել առանց հեքիաթների ու հրաշքների դիմելու: Չէ՞ որ կայծակը, գավազանը, եռաժանին, ջահերը, հրեշները, նիզակները՝ աստվածների զենքերը, նույնպիսի հեքիաթներ են, ինչպիսիք են աստվածների մասին ուսմունքները: Բայց պետությունների հիմնադիրներն այդ հեքիաթները սրբազան են հռչակել՝ դրանք վերածելով յուրօրինակ բոբոների, որպեսզի միամիտ մարդկանց սարսափի մեջ պահեն:

Статья опубликована в проекте Пресс-секретарь.
Поделись с близкими
Համլետ Մելիքյան
16:35, 27.03.2024
221 | 0
наверх