USD 402.56, EUR 440.64, RUB 4.58, GBP 505.01
+26 °C, +14 °C ... +26 °C Завтра+28 °C
+26 °C, +14 °C ... +26 °C Завтра+28 °C
«Վոգեզների կապույտ գիծը»
21:31, 20.11.2020
2569 | 0
Սա մի արտահայտություն է, որը գիտե գրեթե յուրաքանչյուր ֆրանսիացի: «Վոգեզների կապույտ գիծ» -ը խորհրդանշական բովանդակության բնական սահմանագիծ է, որից անդին Գերմանիայի բռնազավթած Էլզասն ու Լոթարինգիայի մի մասն են: 1871 թվականի մայիսի 10-ին Գերմանիայի և Ֆրանսիայի միջև կնքված Ֆրանկֆորտի պայմանագրով՝ պարտված Ֆրանսիան Գերմանիային է զիջել Էլզասն ու Լոթարինգիան: Կորսված երկրամասերը վերադարձնել ձգտող ֆրանսիացի հայրենասերներն իրենց հայրենակիցներին կոչ են արել աչք չկտրել Վոգեզների լեռներից անդին գտնվող Էլզասից ու Լոթարինգիայից, որոնցում ապրող իրենց հայրենակիցները հայտնվել էին Գերմանիայի տիրապետության տակ: «Վոգեզների կապույտ գիծ» արտահայտությունը վերցվել է հիշյալ ժամանակաշրջանում Վոզգեր երկրամասից Ֆրանսիայի Ազգային ժողովի պատգամավոր ընտրված Ժյուլ Ֆերրիի (1832 - 1893) կտակից: Հայրենի երկրամասի ազատագրումը տենչացող հայրենասերը խնդրել էր իրեն թաղել իր ծննդավայրում՝ Վոգեզների Սեն- Դիե քաղաքում. «Ուզում եմ ննջել այն նույն գերեզմանում, որտեղ հայրս ու քույրս են թաղված՝ Վոգեզների կապույտ երիզի դիմաց, որտեղից իմ նվիրյալ սրտին է հասնում պարտվածների սրտակեղեք ողբը»: Համառոտ տեղեկանք. Էլզասը և Լոթարինգիան մինչև 1871 թվականը Ֆրանսիայի կազմում է եղել: Նորաստեղծ Գերմանական կայսրությունը հիշյալ թվականին պարտադրել է Ֆրանսիային զիջել այս երկրամասերը: Առաջին աշխարհամարտում պարտված Գերմանիան ստիպված է եղել վերադարձնել Էլզասն ու Լոթարինգիան: Ֆաշիստական Գերմանիան, 1940-ին ջախջախելով Ֆրանսիայի, դարձյալ զավթել է այս երկրամասերը, բայց Գերմանիայի պարտությունից հետո դրանք վերջնականապես վերադարձվել են Ֆրանսիային: |
Автор: Համլետ Մելիքյան
Статья опубликована в проекте Пресс-секретарь.
Поделись с близкими
Համլետ Մելիքյան
09:58, 14.04.2024
492 | 0
Все опубликованные в Пресс-секретаре материалы подлежат свободной публикации и регулируются договором по регистрации.
Копирование материалов с других сайтов позволяется лишь в том случае, если это не противоречит условиям использования источника.
За содержание реклам сайт не несет ответственности.