Սեպտեմբերի 15-ին Հայ Առաքելական սուրբ եկեղեցին տոնում է 5 տաղավար տոներից վերջինը` Խաչվերացը: Տոնը, որը կենցաղում տարածված է Սփխեչ կամ Սըբխեչ անվամբ, փրկարար Խաչին նվիրված չորս տոներից (Սբ. Խաչի երևման տոն, Գյուտ Խաչի, Վարագա Սբ. Խաչի և Խաչվերաց) մեկն է: Այն վերաբերում է Հիսուս Քրիստոսի Խաչափայտի ազատագրման հիշատակին: Գրաբարում «խաչվերաց» նշանակում է «խաչի վերացում», այսինքն` «խաչի բարձրացում»: Տոնի հաջորդ օրը ննջեցյալների հիշատակի օրն է: |