Օզոնային շերտ օզոնից կազմված շերտ է, որը գտնվում է վերնոլորտում, մթնոլորտի 20–30 կմ (առավելագույն խտությունը՝ 22-25 կմ սահմաններում) բարձրություններում և որտեղ գտնվում է ամբողջ մթնոլորտային օզոնի մոտ 90 տոկոսը: Բնապահպանության նախարարության ներկայացուցչի տվյալներով օզոնային շերտն այսօր բարվոք վիճակում չէ, ուստի հարկավոր է պաշտպանվել ուլտրամանուշակագույն ճառագայթներից, հատկապես ամռանը, քանի որ արևի տակ անպաշտպան հայտնվելուց որոշ ժամանակ հետո մարդ կարող է սեփական մաշկի վրա զգալ այդ ճառագայթների վնասակար ազդեցությունը: Դա կարող է տարբեր հիվանդություններ առաջացնել` աչքի կատարախտից մինչև կուրություն; Օզոնի շերտի վրա ատոմականյանը վատ ազդեցություն չունի, սակայն փոխարենը վատ է անդրադառնում կլիմայի փոփոխությունը: Տիեզերագնացությունը ևս քիչ է վնասում օզոնի շերտը, իսկ քայքայվելուց հետո այն արագ վերականգնվում է: Տարեկան կտրվածքով վերականգնվում է օզոնի շերտի 3-4%-ը, որից 2 %-ը օզոնի շերտի ինքնավերականգման, իսկ 2 %-ն էլ` մարդկանց կենսագործունեության շնորհիվ: Օզոնային շերտի պահպանության համար պայքարում է 194 երկիր: |