Նոր Նորք վարչական շրջանի կենտրոնական գրադարանում առաջիկայում ֆրանկոֆոնիայի անկյուն ստեղծելու նպատակով մայիսի 15-ին Նոր Նորք վարչական շրջանում էր հյուրընկալվել Ֆրանկոֆոն քաղաքապետերի միջազգային ասոցիացիայի մշտական քարտուղար Պիեր Բայեն: Երևանի քաղաքապետ Տարոն Մարգարյանի հետ այսօր ունեցած հանդիպման շրջանակում Նոր Նորքի կենտրոնական գրադարանում ֆրանկոֆոնիայի անկյուն ստեղծելու վերաբերյալ ծրագիրը վավերացվել է համաձայնագրի ստորագրությամբ: Նոր Նորք վարչական շրջանի ղեկավար Արմեն Ուլիխանյանի ուղեկցությամբ Պիեր Բայեն այցելել է կենտրոնական գրադարան, ծանոթացել ստեղծված պայմաններին, ծրագրի իրականացման համար անհրաժեշտ հնարավորություններին: Գրադարանի ընթերցողների կողմից հյուրերի համար գեղեցիկ անակնկալ էր պատրաստվել` մշակութային ողջույնի տեսքով: Ֆրանկոֆոն քաղաքապետերի միջազգային ասոցիացիայի կողմից ֆինանսավորվող ֆրանկոֆոնիայի առաջխաղացմանն ուղղված ծրագրի շրջանակներում Նոր Նորքի կենտրոնական գրադարանում կհիմնվի տեխնիկական համապատասխան պայմաններով ֆրանկոֆոնիայի անկյուն, որի շնորհիվ նորնորքեցի աշակերտները կհաղորդակցվեն ֆրանսիական գրականությանը, մշակույթին և ավանդույթներին: Նկարները` այստեղ |