Նոր Նորք վարչական շրջանի ղեկավար Արմեն Ուլիխանյանի աջակցությամբ Նոր Նորքի բարձունքում գտնվող Գայի բրոնզաձույլ ձիարձանի հարևանությամբ տեղադրվեց տեղեկատվական վահանակ, որի բացման առիթով այսօր կազմակերպվել էր հանդիսավոր արարողություն:
Անվանի հայորդի, ռազմական գործիչ և ռազմարվեստի տեսաբան, սովետական բանակի հայազգի հրամանատար, Սարդարապատի հերոս, 6-րդ կամավորական ջոկատի հրամանատար, Հայաստանի ժողկոմ (1922-23 թթ.), Հայաստանի առաջին զինկոմիսար Հայկ Դմիտրիի Բժշկյանի` հայտնի Գայի («հայ» բառի ռուսերեն տառադարձումն է) վերաբերյալ տեղեկատվական վահանակի բացման պատիվը վերապահված էր լեգենդար Գայի թոռանը՝ կրտսեր Հայկ Բժշկյանին:
Արարողությունն ուղեկցվեց մշակութային ծրագրով, որին իրենց մասնակցությունն ունեցան Նոր Նորքի մշակույթի կենտրոնի գեղարվեստական խմբերն ու Գայի անվան թիվ 129 հիմնական դպրոցի աշակերտները:
Նկարները՝ այստեղ