Մեկ տարի առաջ` «Էրեբունի-Երևան 2796» միջոցառումների շրջանակում, Նոր Նորք վարչական շրջանի Ֆրիտյոֆ Նանսենի անվան զբոսայգում տեղի ունեցավ Նանսենի թանգարանի և Սուրբ Աստվածածին եկեղեցի-հուշահամալիրի բացման հանդիսավոր արարողությունը: Նոր Նորք վարչական շրջանի ղեկավար Արմեն Ուլիխանյանի նախաձեռնությամբ հուշահամալիրի մեկամյակի, ինչպես նաև «Էրեբունի-Երևան 2797» տարեդարձի առթիվ կազմակերպվել էր տոնական միջոցառում` Նոր Նորքի Ս. Ասլամազյանի անվան երաժշտական և Հ. Դանիելյանի անվան արվեստի դպրոցների, մշակույթի կենտրոնի շնորհալի կատարողների և գեղարվեստական խմբերի մասնակցությամբ: Միջոցառման հյուրերի կազմում էին Նոր Նորք վարչական շրջանի ղեկավարի աշխատակազմի ներկայացուցիչներ, հուշահամալիրի կառուցման ու նախագծման հեղինակներ` բարերարներ Կառլեն և Սառա Եսայանների որդին` Լազար Եսայանը, կրթության, մշակույթի ոլորտի ներկայացուցիչներ, բնակիչներ: Միջոցառմանն իր օրհնության խոսքն ուղղեց ներկաներին Սուրբ Աստվածածին եկեղեցու հոգևոր հովիվ տեր Նշան քահանան: Դասական համերգային ծրագրով, պարային երաժշտական կատարումներով հագեցած տոնական միջոցառումն ուղեկցվեց նաև «Երևանյան գույներ» խորագրով միաժամանակյա նկարչությամբ` ամբողջացնելով օրվա տոնական տրամադրությունը: Նկարները` այստեղ |