Նոր Նորք վարչական շրջանում մեկնարկել են ֆրանկոֆոնիայի օրերին նվիրված միջոցառումները: Նոր Նորքի կենտրոնական գրադարանի նորաբաց «Շառլ Ազնավուր» ֆրանսիական կենտրոնում մարտի 22-ին կազմակերպվել է երկու ժողովուրդների բարեկամությանը նվիրված տոնական ցերեկույթ, որին մասնակցել են նաև ներկայացուցուցիչներ ՀՀ-ում Ֆրանսիայի դեսպանատնից, Երևանի քաղաքապետարանի աշխատակազմի արտաքին կապերի վարչությունից, Նոր Նորք վարչական շրջանի ղեկավարի աշխատակազմի կրթության, մշակույթի սպորտի և սոցիալական ապահովության, առողջապահության և ծրագրերի բաժիններից: Միջոցառումը մեկնարկել է Նոր Նորքի դպրոցներից ընդգրկված շնորհալի աշակերտների նկարչական աշխատանքների ցուցահանդեսով, որը կրել է «Ֆրանսիան իմ աչքերով» խորագիրը: Լավագույն աշխատանքների հեղինակները «Արվեստ առանց սահմանների» հասարակական կազմակերպության և Նոր Նորքի կենտրոնական գրադարանի կողմից արժանացել են շնորհակալագրերի և պատվոգրերի: Նկարները՝ այստեղ |