Մայիսյան եռատոնին նվիրված Վազգեն Սարգսյանի անվան ռազմական ինստիտուտում կազմակերպվել էր տոնական համերգային ծրագիր՝ Նոր Նորք վարչական շրջանի ուսումնամեթոդական, գիտաարտադրական կենտրոնի «Անահիտ» երգի-պարի անսամբլի մասնակցությամբ: Ռազմական ինստիտուտի կուրսանտներին գեղեցիկ ելույթներով ողջունեցին Նոր Նորքի շնորհալի կատարողները՝ տոնական և անմոռաց պահեր պարգևելով հանդիսատեսին: Միջոցառմանը ներկա էին նաև Վազգեն Սարգսյանի անվան ռազմական ինստիտուտի պետ Արմեն Ղահրամանյանը, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչները, ինչպես նաև Արարատի մարզի դպրոցներից Նոր Նորքում հյուրընկալված աշակերտները: Համերգային ծրագիրն ամփոփվեց ռազմական ինստիտուտի կուրսանտի հայրենասիրական խրոխտ երգով՝ հանդիսատեսին հաղորդելով ազգային ոգի: Ռազմական ինստիտուտի հետ արդյունավետ համագործակցության և սերնդակրթության ռազմահայրենասիրական դաստիարակության գործում ունեցած ավանդի համար ռազմական ինստիտուտի պետ Արմեն Ղահրամանյանի պատվոգրով պարգևատրվեցին Նոր Նորք վարչական շրջանի ուսումնամեթոդական, գիտաարտադրական կենտրոնի տնօրեն Մեսրոպ Վարդանյանը և «Անահիտ» երգի, պարի անսամբլի գեղարվեստական ղեկավար Ռուդոլֆ Աբաղյանը: Շնորհավորելով մայիսյան փառապանծ Եռատոնի առթիվ՝ խոնարհվում ենք մայիսյան հաղթանակներ կերտած և մեզ խաղաղություն պարգևած հերոսների անմար հիշատակի առջև: Փա՜ռք մեր հերոսներին: Նկարները` այստեղ |