MAMUL.am
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Yarın:+16 °C
Մուտք ռեփի աշխարհ
14:35, 24.12.2017
9497 | 0

«RapBrat Label» խմբի մասին շատերն են լսել, շատերը ներկա են եղել նրանց համերգներին, որոնցից առաջինը տեղի է ունեցել 2016 թվականին, իսկ երկրորդը այս տարի:
Զրուցակիցս «RapBrat Label» խմբի ռեփեր Վռամ Վարդանյանն է:

_Պատմեք Ձեր մասին: Որտե՞ղ եք սովորում, երգերի ժանրերից ինչո՞ւ ընտրեցիք ռեփը, ո՞րն էր Ձեր առաջին երգը, որ Ձեզ ճանաչում բերեց:

_Ես 25 տարեկան եմ, սովորում եմ Երևանի Թատրոնի և կինոի պետական համալսարանում՝ ռեժիսուրա բաժնում: Երգերի ժանրերից ինձ թվում է ոչ թե ես ընտրեցի ռեփը, այլ հենց ռեփը ընտրեց ինձ, որովհետև սրտիս կպավ ու զգացի, որ կարող եմ և պետք է անեմ: Սկսել եմ երգել Արո Նազարյանի հետ, «Արժանի չես» վերնագրով երգն է եղել առաջինը, որից հետո սկսեցին մարդիկ մեզ ճանաչել, այդ երգին հաջորդեց «Վերջնա» երգը, որն ավելի շատ ճանաչում բերեց մեզ: Իսկ 2015 թվականի նոյեմբերի 15-ին ստեղծվեց «RapBrat Label» -ը, իմ, Արո Նազարյանի, Արտակ Հայրապետյանի և Պրոջ Հայրապետյանի մտահաղացմամբ:

_Ինչո՞ւ ընտրեցիք ռեժիսորի մասնագիտությունը: Ձեր մասնագիտությամբ աշխատելո՞ւ եք: Հե՞շտ է համատեղել ուսումն ու երգելը:

_Ասեմ, որ ես կինոման եմ, շատ եմ սիրում ֆիլմեր դիտել, վերլուծել: Փոքր տարիքից ցանկացել եմ ունենալ իմ ֆիլմերը: 3-րդ կուրսում եմ սովորում, մի տարի է մնացել ավարտելուս և ինձ թվում է, որ հաստատ անիմաստ չի ուսումս, կաշխատեմ իմ մասնագիտությամբ: Մանագիտությունս կարող է նաև օգնել տեսահոլովակներ նկարահանելուն, հաստատ կարող եմ համատեղել ուսումս և երգելը, հեշտ է համատեղելը, որովհետև երկուսն էլ արվեստի ճյուղի մեջ են մտնում, անգամ լրացնում են մեկը մյուսին:

_Հիմնականում ի՞նչ խոչընդոտների են հանդիպում ռեփերները: Դուք լինելով հայկական ռեփ երաժշտության ներկայացուցիչներից մեկը, ի՞նչ մոտեցում ունեք ռեփի նկատմամբ: Ռեփը ի՞նչ դեր և նշանակություն ունի Ձեր կյանքում:

_Ռեփերները խոչընդոտների գրեթե չեն հանդիպում: Ես դրական եմ վերաբերվում բոլոր ռեփ կատարողներին: Ռեփը իմ կյանքում շատ մեծ դեր և նշանակություն ունի, դարձել է իմ ապրելակերպը:

_Ձեր կարծիքով շոուբիզնես մտնելու և սեփական տեղն ամրապնդելու համար ի՞նչ է անհրաժեշտ:

_Անհրաժեշտ է տաղանդ, նպատակասլացություն և համբերություն:

_ (After the rain) ՝ Անձրևից հետո վերնագրով ալբոմի մասին խոսեք, ո՞վ ընտրեց վերնագիրը, ի՞նչ երգեր են լինելու ալբոմում:

_Ալբոմի մասին երբեք չէինք բարձրաձայնել, այն կլինի ինտերնետ ալբոմ, որում տեղ գտած երգերից մի քանիս կունենան տեսահոլովակներ:
Վերնագիրը կապել ենք մաքրության հետ, որովհետև անձրևից հետո մաքրություն է տիրում և ըստ ինձ շատ գեղեցիկ է: Մաքուր, որովհետև մեր երգերը ի սրտե են գրված, և չեն պրոպագանդում ոչ մի բացասական բան: Մենք ընդամենը ստեղծում ենք այն երաժշտությունը, որը մեզ դուր է գալիս: Ալբոմում շատ տարբեր երգեր են լինելու ռեպից մինչը փոփ, R&B (ռիթմ և բլյուզ) ոճերի:

_Ի՞նչ ծրագրեր ունեք մոտ ապագայում:

_Ծրագրում ենք 2018 թվականին ունենալ մեծ համերգ և նոր ալբոմի շնորհանդես: Նաև պատրաստվում ենք համագործակցել այլ երգիչների հետ:

Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Arkadaşlarınla paylaş
Մարի Բաղդասարյան
10:38, 07.07.2018
4908 | 0
yukarı