Ամանորյա միջոցառումների շարքը համալրեց ֆրանսիական շնչով ողողված 2-րդ դասարանցիների միջոցառումը՝ նվիրված Ամանորին և Սուրբ Ծնունդին: Միջոցառումը ձևաչափով տարբերվող էր, ներկայացված էր շքեղ պարահանդեսի տեսքով, որի ընթացքում թագավորը կախարդական բլիթի միջոցով ընտրեց իր թագուհուն: Կատարվեց թագադրման արարողությունը, և պալատականները ողջունեցին այս տարվա իրենց թագուհուն: Երեխաներն իրենց անկաշկանդ ֆրանսերենով ունկնդիրներին ներկայացրին տոնի խորհուրդը, ֆրանսիայում այն դիմավորելու և անցկացնելու ծիսակարգերը: Միջոցառման ընթացքում մատուցված անակնկալներին գումարվեց նաև Ձմեռ պապի /Pere Noel/ մուտքը, որը բաժանեց Ամանորի սպասված նվերները: Այնուհետև կտրվեց անակնկալ բլիթը և բաժանվեց ներկաներին: Ներկաներին հոգեթով պահեր պարգևեցին փոքրիկների երգերը, նազանքով քայլելն ու պարելը: Կարճ ժամանակահատվածում ուսուցիչներին՝ Գ. Գալստյանին, Ա. Ալեքսանյանին հաջողվել էր 2-րդ դասարանի փոքրիկներին սովորեցնել ֆրանսերեն այնքան, որ նրանք կարողացան իրենց իմացությամբ գերել բոլորին... |