USD 402.56, EUR 440.64, RUB 4.58, GBP 505.01
+29 °C, +16 °C ... +29 °C Yarın:+28 °C
+29 °C, +16 °C ... +29 °C Yarın:+28 °C
Վայոց ձորի մարզի Եղեգիս համայնքում բացվել է հետաքրքիր և շինարարական նորարական լուծումներով կառուցված «Արևի» հյուրանոցը
18:04, 31.07.2018
4230 | 0
Վայոց ձորի մարզի Եղեգիս համայնքում բացվել է հետաքրքիր և շինարարական նորարական լուծումներով կառուցված «Արևի» հյուրանոցը: Հյուրանոցը կառուցվել է ԱՄՆ Միջազգային զարգացման գործակալության միջոցով իրականացվող «Գյուղի զարգացման ԱՐԴԻ նախաձեռնություն» ծրագրի կողմից, ինչպես նաև «Ֆուլեր տնաշինական կենտրոնի» և «Հեյֆեր Ինթերնեյշնլ» կազմակերպության աջակցությամբ: Բացման արարողությանը ներկա էին ՀՀ Վայոց ձորի մարզպետի տեղակալ Նանե Ասատրյանը և մարզպետի օգնական Սյուզան Մարգարյանը: Շինարարական նորարական լուծումներով նախագծի հեղինակ Գևորգ Գասպարյանից տեղեկացանք, որ «Արևին» Հայաստանում առաջին բեռնակիր արկղերից (կոնտեյներ) կառուցված հյուրանոցն է: Այս նախագծի հիմքում ընկած է բեռնատար արկղերի վերաօգտագործման գաղափարը (recycling): Գևորգ Գասպարյանն ավելացրեց, որ այս նախագիծը ստեղծելիս օրինակի և ոգեշնչման աղբյուր են եղել տարբեր արտասահմանյան նախաձեռնությունները: Հյուրանոցի ներքին հարդարման աշխատանքներում հետաքրքիր ձևով համադրված են շինարակական և դիզայներական ժամանակակից և դասական ոճերը: Հյուրանոցը կառուցվել էկոլոգիապես մաքուր նյութերից. օգտագործվել են տուֆի մի քանի տեսակներ, իսկ ներքին հարդարման ժամանակ՝ փայտ, երկաթ, ապակի: Հյուրանոցն ունի 10 հարմարավետ համարներ, դեպի Եղեգիսի կիրճը բացվող հրաշալի հարթակ և տեսարան, ինչը զբոսաշրջիկների համար կրկնակի գրավչություն կարող է հանդիսանալ: «Արևի» հյուրանոցը հիանալի կանգառ և հանգստի վայր կարող է դառնալ յուրաքանչյուր զբոսաշրջիկի համար: Սա Վայոց ձորի զբոսաշրջության ոլորտում ենթակառուցվածքների զարգացման առումով լավ խթան է: Վայոց ձորը հարուստ է պատմամշակութային հուշարձաններով, բնական տեսության վայրերով, քարանձավներով, բուսական և կենդանական աշխարհի բազմազանությամբ, էկոլոգիապես մաքուր գյուղատնտեսական մթերքներով: Այս ամենը Վայոց ձորը դարձրել են զբոսաշրջության համար գրավիչ տարվա չորս եղանակների համար: Այստեղ զբոսաշրջիկը կարող է զբաղվել արկածային, էկո, բնապահպանական և զբոսաշրջային այլ տեսակներով: Իսկ «Արևի» հյուրանոցը հրաշալի և հյուրընկալ կանգառ կհանդիսանա յուրաքանչյուրիս համար: |
Yazar: ՆՈՐԻԿ ՔԵՇԻՇՅԱՆ
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Arkadaşlarınla paylaş
ՆՈՐԻԿ ՔԵՇԻՇՅԱՆ
17:59, 21.05.2020
4699 | 0
17:22, 21.05.2020
4936 | 0
19:30, 30.04.2020
4650 | 0
"Basın sekreteri" projesi de yayınlanan tüm gönderiler ücretsiz yayına tabidir ve kayıt sözleşmesi ile düzenlenir.
Diğer web sitelerinden gönderilerin kopyalanmasına, yalnızca kaynağın kullanım koşullarına aykırı olmadığı durumlarda izin verilir.
Web sitesi reklamların içeriğinden sorumlu değildir.