Ընտրությունները ցույց տվեցին, որ Փաշինյանը շարունակում է մեծ աջակցություն ունենալ ժողովրդի շրջանում: Այդուհանդերձ նկատելի է, որ հանրության կեսից ավելին անտարբեր է քաղաքական գործընթացների նկատմամբ և անգամ չի ցանկանում մասնակցել ընտրություններին: Նոր խորհրդարանում միակ սկզբունքային ընդդիմությունը Էդմոն Մարուքյանի Լուսավոր Հայաստանն է: Ծառուկյանը գործարար է և չի ցանկանում հարաբերություններ փչացնել Փաշինյանի հետ, ուստի միշտ էլ պարելու է նրա երաժշտության տակ: Էդմոն Մարուքյանն այնքան քաջություն ուներ, որ նույնիսկ հեղափոխության օրերի թեժ շրջանում չէր վախենում հակառակվեր Փաշինյանին: Մարուքյանն, իհարկե, կողմ էր իշխանափոխությանը, սակայն կարևորում էր նաև խորհրդարանական աշխատանքը և մեծ ավանդ ունեցավ եվրոպական երկրներում թավշյա հեղափոխության պրոպագանդման առումով: Մարուքյանն այսօր բարձր պաշտոնի չէ, քանի որ դեմ չգնաց իր սկզբունքներին: Մարուքյանի շուրջ պետք է այսօր համախմվեն այն մարդիկ, ովքեր տեսնում են, թե ինչ ոչ պրոֆեսիոնալ թիմով է հանդես գալիս Փաշինյանը: Սերժ Սարգսյանի նկատմամբ ատելությունից դրդված մարդիկ ընտրեցին Փաշինյանին, սակայն արդյոք նա է այն մարդը, ո՞վ կարող է զբաղվել պետության հոգսերով: Փաշինյանը բացի ընդդիմադիր կոչերից ուրիշ ոչինչ չի արել այս պետության համար: Նրա թիմի ողջ կազմը անգամ չի կարող մեկ գյուղ ղեկավարել, ուր մնաց զարգացնել Հայաստանը: Առաջիկայում Մարուքյանը հանդիսանալու է լուրջ պլատֆորմ բազմաթիվ մարդկանց համար, ովքեր դուրս են եկել էյֆորիայից ու հասկանում են, որ Փաշինյանը պարզապես խարխլում է մեր պետականության հիմքերը |