ՀՀ Կառավարության 2018 թվականի սուբվենցիոն երկու ծրագրերով Կոտայքի մարզի Առինջ համայնքում իրականացվել են ճանապարհների կառուցման և նորոգման աշխատանքներ: Սուբվենցիոն առաջին ծրագրով կատարվել է Առինջի ներհամայնքային երեք՝ 6-րդ, Ստեփանոս Առինջեցու և Մնացականյան փողոցների ճանապարհահատվածների կառուցում (ասֆալտապատում): Ճանապարհի այդ հատվածները երկար տարիներ չափազանց անմխիթար վիճակում են եղել՝ նույնիսկ անանցանելի ու մեծ խնդիրներ առաջացրել հատկապես դպրոց հաճախող աշակերտների համար: Կառավարության հուլիսի 26-ի N 920-Ն որոշմամբ հաստատված ծրագրի պայմանագրային արժեքը 39.499.800 դրամ է, որից 15.799.900 դրամը (40%) պետական բյուջեի հատկացումն է, 23. 699.900 դրամը (60%) ՝ համայնքի համաֆինանսավորման չափը: N 920-Ն որոշմամբ հաստատված, շուրջ 13.191.336 դրամ արժողությամբ մեկ այլ սուբվենցիոն ծրագրով Առինջում կատարվել է համայնքի խիտ բնակեցված փողոցներից մեկի՝ մշակույթի տան հարակից ճանապարհահատվածի կառուցում և համայնքի մյուս վնասված ճանապարհների վերանորոգում և վերականգնում: http://kotayk.mtad.am |