Mamul.am
Tam versiyon
USD 477.46, EUR 526.02, RUB 7.42, GBP 613.63
+6 °C, +1 °C ... +11 °C Tomorrow:+9 °C
Hay / Հայ | Рус | Eng | Tür
ՊԱՐՈՆԱՅՔ, ՄԻ՜ ԱՅՊԱՆԵՔ ՁԵՐ ՈՐԴԻՆԵՐԻՆ
22:12, 13.01.2019

Վաղը նշանակալից օր է, 7-րդ գումարման Ազգային ժողովի առաջին նիստն է և Վարչապետի նշանակումը։ Արտաշիսյան Աշխարհաժողովներից հետո, թերևս առաջին անգամ՝ հայ ժողովուրդը ազատորեն արտահայտել է իր կամքը և ՀԱՐՑ Է ԼՈՒԾԵԼ՝ ընտրել է օրինական իշխանություն։ Բերում եմ ջերմ շնորհավորանքներս։

Բայց լեզվիս տակ բան կա ասելու։ Մարդկանց մի տեսակը կա, որին ուղղում եմ խոսքս։ Պարոնայ՜ք, ինչու՞ չեք ուրախանում։ Ինչո՞ւ խնդութան աղաղակը չի պատռում ձեր կուրծքը։ Եղածը այդքան սովորակա՞ն է, որ չեք ուրախանում։

Ասում եք՝ «էն չեն, շատ ջահել են, մանկապարտեզ հո չէ՞, փորձ չունեն» ։ Եվ այպանում եք ձեր որդիներին։ Հիշեցնեմ, այդ ջահելները հեղափոխություն են արել և լեգիտիմ ժողովրդական քվեյով իշխանության են եկել։ Վեց ամսվա ընթացքում մոռացա՞ք, թե ազգովին ի՛նչ բորենիների առջև էինք մեջքներս ճկել։

Ասում եք՝ «էն չեն․․․» ։ Այստեղ, պարոնայք, ես ձեզ բռնացրեցի ինքնախոստովանված հանցանքի մեջ։ Բա դուք որտե՞ղ էիք, որ նրանք «էն չեն» ։ Ինչո՞ւ լավ կրթություն չեք տվել, ինչո՞ւ 30 տարում պետություն կառուցել չեք սովորել և նրանց չեք սովորեցրել։ Ամեն մեկդ մի А-4 ֆորմատի թուղթ վերցրեք և գրեք՝ էս 30 տարի ինչի՞ մասին եք խոսել ու երազել։ Չմոռանաք գրել, թե ամեն օր թյուրքի հասցեին ինչքան քֆուր եք տվել; Էդ ձեզ սովորեցրել էին, որ Պետության կառուցումը մոռանաք։

Պարոնա՜յք, ուշ չէ և ամեն ինչ կորած չէ ձեզ համար։ Նստեք ինքնակրթության։ Սա է նոր իշխանության բարձրացման լավագույն ձևը։ Կսովորեք Պետություն կառուցել, ձեռքի հետ էլ մեր երիտասարդությանը կկրթեք։

ԼԵՎՈՆ ԴՌՆՈՅԱՆ

13․01․2018Թ․

Basın sekreteri: Արմեն Ալոյան
Makaleyi yayınlamağı hakkında bilgiler veriyoruz, Basın sekreteri. Basın sekreteri projenin içinde
Arkadaşlarınla paylaş
| |
Արմեն Ալոյան
19:52, 04.09.2019
yukarı