USD 402.56, EUR 440.64, RUB 4.58, GBP 505.01
+12 °C, +12 °C ... +25 °C Yarın:+26 °C
+12 °C, +12 °C ... +25 °C Yarın:+26 °C
Կառավարությունը զիջեց. Հարկային օրենսգրքից հանվել է վիճահարույց դրույթը
13:58, 26.02.2019
4089 | 0
ՀՀ ֆինանսների նախարարությունը փոփոխություն է կատարել Հարկային օրենսգրքում փոփոխություններ եւ լրացումներ կատարելու մասին նախագծում՝ հանելով իրավաբանական, խորհրդատվական, հաշվապահական ծառայություն մատուցողներին ավելացված արժեքի հարկով հարկելու դրույթը: «Արմենպրես» -ի հետ զրույցում այս մասին հայտնեց ՀՀ ֆինանսների փոխնախարար Արման Պողոսյանը: «Նախագիծն այդ մասով արդեն իսկ փոփոխություններ է կրել: Լրացուցիչ քննարկումների արդյունքներով մենք որոշում կայացրինք այս փուլում հրաժարվել այդ գաղափարից: Բայց սա ժամանակավոր լուծում է, որովհետեւ մենք այստեղ այնուհանդերձ շարունակում ենք խնդիրներ տեսնել այն առումով, որ շրջանառության հարկի համակարգը մեր դիտարկմամբ չի ապահովում այս գործունեության տեսակների համարժեք հարկում: Եվ բացի այդ, մենք այստեղ տեսնում ենք նաեւ հարկային տարբեր համակարգերի միջեւ հարկային պլանավորումներ իրականացնելու հնարավորություններ, նաեւ հարկման ոչ արդարացի մոտեցումներ», -ասաց Պողոսյանը: Փոխնախարարի հիմնավորմամբ՝ այս փուլում հրաժարվել են նախապես առաջարկված տարբերակից, քանի որ իրենց գնահատմամբ՝ հարկային բեռն էականորեն բարձրանում էր, եւ միգուցե այս գործունեության տեսակները ստվերային դաշտ տեղափոխելու մոտիվացիա լիներ: Եվ հարկային վարչարարությունն այդ դեպքում էականորեն կբարդանար: Սակայն հարկային վարչարարությունը կատարելագործելու գործիքակազմն ընդլայնելու խնդիրը լուծելուց հետո նախարարությունն անպայմանորեն անդրադառնալու է այդ հարցի քննարկմանը: Փոխնախարարը դժվարացավ հստակ ասել, թե իրավաբանական, խորհրդատվական եւ հաշվապահական ծառայություն մատուցողները որքան ժամանակ կշարունակեն գործել շրջանառության հարկով: Ամեն ինչ կախված կլինի վարչարարության մակարդակում ունեցած խնդիրները լուծելու ժամկետներից: Հիշեցնենք, որ հանրային քննարկման ներկայացված Հարկային օրենսգրքում փոփոխություններ եւ լրացումներ կատարելու մասին նախագծով նախապես առաջարկվում էր հաշվապահական, խորհրդատվական, իրավաբանական ծառայություն մատուցողներին շրջանառության հարկի փոխարեն հարկել ԱԱՀ-ով: Դա դժգոհություն էր առաջացրել որոշ իրավաբանական որոշ կազմակերպությունների շրջանում: |
Yazar: Նինա Սարգսյան
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Arkadaşlarınla paylaş
Նինա Սարգսյան
21:17, 14.03.2019
4106 | 0
19:42, 01.03.2019
Vanity Fair-ը պարզել է Մեգան Մարքլի՝ որդուն «գենդերային չեզոք» դաստիարակություն տալու ծրագրերի մասին
5068 | 0
"Basın sekreteri" projesi de yayınlanan tüm gönderiler ücretsiz yayına tabidir ve kayıt sözleşmesi ile düzenlenir.
Diğer web sitelerinden gönderilerin kopyalanmasına, yalnızca kaynağın kullanım koşullarına aykırı olmadığı durumlarda izin verilir.
Web sitesi reklamların içeriğinden sorumlu değildir.