Երբ մարդկային ոգին պայքարել գիտի, ցավի միջից՝ ժպտալ, արցուքի միջից ծիծաղել ու հոգեկան և ֆիզիկական ցավին ժպիտով հաղթել՝ ուրեմն նրան ոչնչով չես կոտրի: Այդպիսին են ապրիլյան պատերազմի մեր կենդանի հերոսներն, ովքեր համախմբվելով ստեղծել են Ապրիլյան մարտական գործողությունների մասնակիցների միությունը, այդպիսին է նաև ապրիլյան պատերազմի անմահ հերոս, քաջ տանկիստ Տիգրան Աբգարյանի եղբայր Ժորա Աբգարյանն, ով հիմնել է ՏԻԳՐԱՆ ԱԲԳԱՐՅԱՆ մարտական պատրաստության ակումբը: Այս անհատներից ամեն ոք յուրովի իր հոգուն զգալով ու կրելով պատերազմյան օրերի դժնդակ խրոնիկան՝ չի կոտրվել, չի ընկճվել ու այսօր փյունիկյան թռչնի նման վեր հառնելով համախմբվել Է յուրայինի, իր նման, նույն ցավն ապրածի հետ, որ բոլորով միահամուռ ջանքերով ամրացնեն սահմանները հայրենի, որ այլևս ոչ մի օտար չկարողանա թափանցել հայկական անառիկ դարբասներից ներս: Ահա այստեղ է, որ պիտի հիշեմ. Դու սիրո հետ միշտ հաշտ ապրիր, Բայց տառապանքից խույս մի տա, Այն մաքրում է հոգին ժանգից Եվ սրբում է աչքը փոշուց: Տառապանքից չեն մեռնում, չէ՛, Այլ ավելի են պնդանում, Ապաքինված սիրտը հետո Գալիք ցավը հեշտ է տանում: Այո՛, մեր տղաներն ուժեղ են ու անկոտրում: Այսօր կրկին անգամ անվադողերի հերթական խմբաքանակն ուղևորվեց դեպի Արցախ՝ մեր տղաների ջանքերով: Բռա՛վո և որոտընդոստ ծափահարություններ նրանցից յուրաքանչյուրին ու ամեն մեկին, ինչպես նաև այն կամավորներին, ովքեր չզլացան իրենց լուման ունենալու այս հայրենանվեր գործում: ՏԻԳՐԱՆ ԱԲԳԱՐՅԱՆ մարտական պատրաստության ակումբի նախագահ Ժորա Աբգարյանը, սեփական ջանքերով, 30 կամազից ավել անվադող է ուղարկել և դեռ ուղարկելու է: Հպարտությունս, անթաքույց կերպով, հուզմունք առաջացրեց հոգուս խորքում, որ ազգիս հերոսներն ու նվիրյալներն այսքան հզոր են... Խոնարհումս ձեզ՝ անուն առ անուն, սիրելիներս: 7.10.2019 ՏԻԳՐԱՆ ԱԲԳԱՐՅԱՆ մարտական պատրաստության ակումբի իրադարձությունների մեկնաբան՝ ՄաՏիՆա Մարինե Մանուկյան: |