Հոլ արա, ***ոն, պտույտդ՝ տեղում,
Տարրական նյութը մարդն է լոկ խեղում,
Երկուսից մեկի ճամփան է շեղում,
Մեկելի մոտ էլ գրգիռն է զեղում։
Հադրոնային է բախիչը ու մեծ,
Չեզոք է արդյո՞ք բանը տարամետ,
Թուլատի նման այստեղ ու այնտեղ,
Պեծին տալով է կրակը անթեղ։
Էս զույգությունը վիճարկելի է,
Ինչ տրոհում են՝ կամ էգ է, կամ որձ,
Քառասուն տարի -սակարկելի է,
Չասեք, թե Հիգսը տղեկ էր անփորձ։
Այնշթայնին բերեք, նրան էլ ասեք,
Որ տվյալները թերի են գալիս,
Եթերի քամին, որ հողմում դասեք,
Խավար է, թե լույս՝ խուտուտ է տալիս։
Հեգնաբար ժպտու՞մ, խնդու՞մ եք անձայն,
Հաճույքից հետո ի՞նչն է երկարում,
Դադար եք պահում որի համաձայն,
Չփլախին շորով հո՞ չեք նկարում։
Սկալյար թիվ է ձեր ժամանակը,
Կուզեք բախիչում երազանք պահեք,
Գոհարազա՞րդ է քառամանյակը․
Չհնչած հարցին մի արձագանքեք։