Mamul.am
Tam versiyon
USD 504.47, EUR 553.45, RUB 6.46, GBP 622.36
+10 °C, +5 °C ... +12 °C Tomorrow:+12 °C
Hay / Հայ | Рус | Eng | Tür
Հարստությո՞ւն, թե Աղքատություն
21:38, 16.02.2020

Մի անգամ Աղքատությունն ու Հարստությունը վիճում են, թե ով է իրենցից գեղեցիկը: Քանի որ երկուսն էլ չեն կարողանում մեկմեկու ապացուցել, որոշում են հարցնել առաջին պատահած մարդուն:

«Թող մեր վեճն առաջին իսկ պատահած տղամարդը լուծի», - որոշում են նրանք ու ճանապարհ են ելնում: Առաջին պատահածը միջին տարիքի տղամարդ է լինում: Նա անմիջապես չի նկատում, որ երկու կողմից իրեն են մոտեցել Աղքատությունն ու Հարստությունը:

-Միայն դո՛ւ կարող ես լուծել մեր վեճը, - վրա են տալիս նրանք: - Ասա՛, թե ով է մեզանից ավելի գեղեցիկ:

-Ա՛յ քեզ փորձանք, - մտքում ասում է տղամարդը, - եթե ասեմ, թե Աղքատությունն է առավել գեղեցիկը, Հարստությունը կնեղանա ու ինձանից կհեռանա: Իսկ եթե ասեմ, թե Հարստությունն է առավել գեղեցիկը, այդ դեպքում Աղքատությունը կարող է զայրանալ ու վրաս հարձակվել: Ի՞նչ անեմ:

Տղամարդը մի քիչ մտածում է ու ասում.

--Ես առանց ձեզ մի լավ զննելու չեմ կարող ասել: Դուք նախ ճանապարհով այս ու այն կողմ քայլեք, ճեմեք որպեսզի լավ զննեմ:

Հարստությունն ու Աղքատությունը սկսում են դանդաղ ճեմել, որպեսզի տղամարդն իրենց բոլոր կողմերից ուշադիր զննի:

-Դե՞, - ի վերջո բացականչում են նրանք միաձայն, - մեզանից ո՞վ է ամենագեղեցիկը:

Տղամարդը ժպտում է ու ասում.

-Դո՛ւ, Աղքատությո՛ւն, երբ հեռանում ես, թիկունքից շատ տպավորիչ տեսք ես ունենում: Իսկ դո՛ւ՝ Հարստությո՛ւն, ուղղակի հրաշալի ես, երբ դեմքով ինձ ես դառնում ու մոտենում ես:

Makaleyi yayınlamağı hakkında bilgiler veriyoruz, Basın sekreteri. Basın sekreteri projenin içinde
Arkadaşlarınla paylaş
| |
Համլետ Մելիքյան
yukarı