Հանրապետության նախագահը ստորագրել է հրամանագիր Սահմանադրության փոփոխությունների հանրաքվեն ապրիլի 5-ին նշանակելու մասին: Հանրաքվեն անմիջական ժողովրդավարության կարևորագույն ինստիտուտն է և ժողովրդի անմիջական իրավաստեղծ գործունեության մեխանիզմը։ Այն պետության և յուրաքանչյուր քաղաքացու համար կարևոր որոշումների ընդունման գործընթացում հանրության մասնակցության ձևերից է։ Հանրաքվեն համաժողովրդական քվեարկությունը ժողովրդի կողմից անմիջականորեն իշխանության իրականացումն է։ Ժողովրդավար երկրում չկա այլընտրանք քաղաքացու կամարտահայտմանը, և ընտրությունը հենց ժողովրդի կամարտահայտման ճանապարհներից մեկն է։ Դե ուրեմն, բոլորս միասին ապրիլի 5-ին, մեկ մարդու նման, մասնակցենք Սահմանադրության փոփոխությունների հանրաքվեին: Մամիկոն Շահբազյան Աբովյանի N1 արհեստագործական պետական ուսումնարանի տնօրեն |