Հերմափրոդիտոսը (ռուսերենի ազդեցությամբ այն դարձել է «Հերմաֆրոդիտ») եղել է հին հույների դիցարանի Հերմես աստծու և Ափրոդիտե աստվածուհու որդին: Ըստ առասպելաբանության՝ Հերմափրոդիտոսն արտակարգ գեղեցիկ պատանի է եղել: Նրան նայադներն (ջրահարսեր) են դաստիարակել: Բայց նրանցից մեկը՝ Սալմակիս անունով ջրահարսը, երբ մի անգամ Հերմափրոդիտեսին տեսնում է գետից մերկ դուրս գալիս, այնքան կրքոտ է սիրահարվում, որ աստվածներին խնդրում է՝ իրեն միաձուլեն նրա հետ այնպես, որ ընդմիշտ անբաժան լինեն: Աստվածները կատարում են նրա խնդրանքը, և գեղեցիկ պատանուն ջրահարս Սալմակիսի հետ են միաձուլում: Այդ միաձուլումից ծնվում է երկսեռ արարած, և այժմ այդպիսի մարդկանց «հերմաֆրոդիտ» են անվանում: |