Ագաթան համարվում է Մալթայի, Կատանիայի և Սիցիլիայի հովանավոր սուրբը: Փետրվարի 5-ին կաթոլիկ եկեղեցիներում նշվում է Ագաթայի հիշատակի օրը: Այդ օրն օրհնում են հացը, աղը և ջուրը, որոնք, ըստ հավատալիքի, տունը պահպանում են հրդեհից: Սիցիլիացիներն հավատում են, թե այդ օրն օրհնված հացն օժտված է մարդու միջից դևերին հեռացնելու զորությամբ: Կատանիայի Մայր տաճարն օծվել է ի պատիվ սուրբ Ագաթայի: Արմավենու ճյուղը և բոցավառվող ջահը համարվում են Ագաթայի խորհրդանիշները: Ագաթան համարվում է ստնտուների սուրբ տիրուհին, ստինքների սուրբը: Եվ ուրեմն նրա հիշատակը պատվելու համար սիցիլիացիները ճաշակում են ստինքների նմանվող կարկանդակներ: Սան Մարինո գաճաճ պետության պետական պարգևը «Սուրբ Ագաթա» շքանշանն է: |