USD 402.56, EUR 440.64, RUB 4.58, GBP 505.01
+12 °C, +9 °C ... +17 °C Tomorrow:+19 °C
+12 °C, +9 °C ... +17 °C Tomorrow:+19 °C
Գիշերն անլուսին քո ճամփի վրա...
17:10, 15.12.2013
2353 | 0
Աստղերը սիրո երգ... 000 Ամեն անգամ մեր հանդիպմանը նոր երգեր էին ծնվում ու նոր հեքիաթներ հյուսվում: Ես հավատում էի նրանց իսկությանը...Հավատում էի վերադարձիդ... Քամին անտես, անօթևան կառչում էր զգեստիս փեշերից ու տանում մոլոված կարոտներս հավաքելու: Հիմա էլ , երբ անցնում ես մեր ծանոթ պուրակով, սիրտս ողբում է քեզ կորցնելու ցավից:
000 Իմ տնից ձգվող արահետն անգամ նեղ էր ու փոքրիկ: Չգիտեմ` ինչպես ոտք դրի նրան: Ես դեմդ ելա քեզնով բախտավոր ու լայն բացեցի դռները իմ տան: Իմ հանգչող հոգում ճառագեց մի շող, բայց դու անտարբեր թողիր հեռացար...Նեղ էր արահետն իմ տնից ձգվող, սրտիս դուռն էր լայն, բայց դու չիմացար... 000 Ամեն օր ծնվում եմ լույսի հետ: Թողեք, որ հանգիստ մնամ; Ականջիս մեջ են օրվա ձայները, ձեր խրոխտ ու բիրտ քայլերը: Թողեք, որ ես հանգիստ մնամ: Ձայներն էլ տարեք, թող կորչեն... Ամեն օր ծնվում եմ լույսի հետ` դաջված պուրակի անսահման լռությանը : Թողեք, որ ես հանգիստ մնամ ու հեշտ գտնեմ կորած որդիներիս ձայնը... 000 Անձրև է, հանդարտ աղմկում են մայթերը: Ջրհորդանները պղտոր թախիծ են շիթ-շիթ շաղ տալիս ասֆալտի վրա: Ոսկեհեր արփին իր բոց շուրթերը հպել է թաց անձրևանոցիս ու սրթսրթում է լռիկ: Քայլում եմ մենակությունից հոգնած. արհամարհելով հորդառատ անձրևը: Ոտքերս ասես կղզյակներ լինեն այդ ջրակույտերի խորխորատների մեջ, փախչող կղզյակներ: ՈՒ ջրակույտերից կզզիներն այդ, ղեկը կորցրած նավի պես, ինձ շպրտում են հեռախոսախցիկի մոտ մոտ, որ խցիկի մեջ կարոտեմ ջրակույտերին: Անձրևում է, աղմկում են մայթերն իմ սիրո մասին... 000 Աշխարհն այս, որ ապրում եմ այսօր, լի է կյանքով, երազանքով, ծաղիկներով բուրումնավետ, սիրո քաղցր վայելքներով լի է աշխարհն այս: ԵՎ գետերով խռովահույզ, լճերով ջինջ, նաև խորունկ ծովերով ու շողերով արևալույս լի է կյանքն այս... Քաղաքներով հրաշագեղ, հրաշքներով անակնկալ և տենչերով երանավետ, որ ուզում եմ հավետ գոյատևել երջանկացած, քայլել հպարտ փողոցներով... Սակայն, ավաղ, մեր կյանքը , տես, մի երազ է անվերադարձ... 000 Մի սիրուն ծաղիկ բացեց աչքերը ու գտավ իրեն գարնան ջերմ գրկում...Իր ընկերները վաղուց էին հեռացել, երբ ինքը դեռ գարնան կարոտ էր երգում: Նա իր երգերում արև էր տեսնում ու վառ հեքիաթներ, նրա անպաճույճ և հոգեթով երգերի մասին... ԵՎ նրանից առաջ եկած ծաղիկներին հպվել էր արևը իր ջերմաշունչ շուրթերով, և ամեն մեկն իր հեքիաթն էր հյուսել պարզ ու սիրակարոտ: Քնքշաբույր ծաղիկը վեր սուրաց փնտրելու արևին, նրա ջերմ գրկում հալվելու... 000 Այնպես էր ծաղկել իմ տանձենին, որ շաղվում էին աչքերն աստղերի: Իմ երազների թրթիռները տաք, իմ տարիները անցած ու գալիք սերտաճել էին այս մի ծառի մեջ և դարձել ծաղիկ...Նախանձից երկնային մի ուժ անտես ձեռքերով թափահարեց ծառս և ծադիկներս մեղմորեն թափվեցին գետնին: ԵՎ դա այն պահին, երբ դրանց վրա գոնե մեկ անգամ չէր նստել մեղուն: 000 Ծաղիկների լուռ շիկնանքից այրվոմ է սիրտս հրացոլք բոցով: Իմ ծաղիկների պես չարտասվելու համար ինձ քո վեհությունը տուր, օ~ լեռնաշխարհ... Գնում եմ կարոտներս փնտրելու... |
Spokesperson: Նիդերլանդական Օրագիր Գրական էջ
The article published in the Spokesperson project.
Share with friends
Նիդերլանդական Օրագիր Գրական էջ
02:27, 10.01.2018
15079 | 0
22:10, 11.12.2017
21724 | 0
17:06, 15.05.2024 - Համլետ Մելիքյան
250 | 0
23:47, 15.05.2024 - ՀԱՅԿ ԿԻՍԵԲԼՅԱՆ
141 | 0
23:43, 15.05.2024 - ՀԱՅԿ ԿԻՍԵԲԼՅԱՆ
117 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.