Նոր Նորք վարչական շրջանի հ. 114 մանկապարտեզում այսօր ազգային, ժողովրդական իսկական տոն էր: Կրթօջախի սաների մասնակցությամբ կազմակերպվել էր ռազմահայրենասիրական բովանդակությամբ միջոցառում, որը կրում էր «Սասնա Էրգիր» խորագիրը: Երեխաները երգի, պարի ու ասմունքի միջոցով դահլիճում ստեղծել էին սասնա աշխարհի յուրօրինակ միջավայր: Միջոցառման հյուրերի կազմում էին Նոր Նորք վարչական շրջանի կրթության, մշակույթի և սպորտի բաժնի ներկայացուցիչներ, Նոր Նորքի մանկապարտեզների տնօրեններ, մանկավարժներ և ծնողներ: Միջոցառման թեմային համահունչ՝ սաները Սասնո աշխարհի և սասունցիների հերոսական ոգով համակեցին ներկաներից յուրաքանչյուրին՝ կրկին հավաստելով Գևորգ Էմինի հայտնի տողերի ճշմարտությունը. Եվ չի՜ հաղթի ոչինչ այն հին ժողովրդին, Որ այս ջանքո՛վ Ու այս կամքո՛վ Պարե՜լ գիտի... Նկարները՝ այստեղ |