Չինական առածներ և ասացվածքներ - Ագռավի բնից հավի ձու չես վերցնի։
- Ագռավի թևերն են սև, կալվածատիրոջ՝ սիրտը։
- Աղքատի ուտելիքի կեսը բանջարեղեն է։
- Ամեն գորտ իր ջրհորը գիտի։
- Ամեն չափի ոսկու համար կշեռք կա։
- Ամեն սխալ կարելի է ուղղել։
- Ամենախիստ ձմռանն էլ գարունն է հաջորդում։
- Այնտեղ, ուր խելոքը խոսքով է համոզում, հիմարը ձեռքերն է գործի դնում։
- Անազնիվ ճանապարհով ձեռք բերած փողը կհալվի ինչպես ձյունն՝ արևի տակ։
- Անգործությունը ծուլություն է ծնում։
- Անխելք որդիներն իրենց հայրերով են հպարտանում։
- Անկուշտ մարդը նման է այն օձին, որ փղին էլ է ուզում կուլ տալ։
- Անձրևից թրջվածը եղյամից չի վախենա։
- Աշխատասիրությունը սովորում են երեք տարում, ծուլությունը՝ երեք օրում։
- Աշխատելիս հիվանդ է, ուտելիս՝ առողջ։
- Աշխատող մարդը միշտ փող կունենա։
- Աշխարհում ոսկի շատ կա, հին ընկերներն են քիչ։
- Աչքը չի տեսնում, սիրտը չի ցավում։
- Աչքերը հեռուն տեսնում են, իրենց թարթիչները չեն տեսնում։
- Առածն առանց առիթի չի ասվի։
- Առավոտյան ծառ տնկեց, կեսօրին ուզեց շվաքում հանգստանալ։
- Առողջը հիվանդի տանջանքները չի հասկանա։
- Ասեղ գողացողը, ոսկի էլ կգողանա։
- Ասեղդ որտեղ կորցրել ես, այնտեղ էլ փնտրիր։
- Բարկանալուց առաջ մինչև հարյուր հաշվիր, խփելուց առաջ՝ մինչև հազար։
- Բարկացավ հավի վրա, շանը ծեծեց։
- Բարության դիմաց՝ բարություն, վիրավորանքի դիմաց՝ վիրավորանք։
- Բերնիցդ դուրս եկավ, ուրիշի ականջը մտավ։
- Բերնիցդ թռած խոսքը հրեղեն ձիով էլ չես բռնի։
- Բոլոր ձիերը սայթաքում են, բոլոր մարդիկ՝ սխալվում։
- Բրինձը երաշտից է վախենում, մարդը՝ ծերությունից։
- Բրնձի յուրաքանչյուր հատիկի մեջ մի կաթիլ քրտինք կա։
- Գեղեցիկ թռչուններին են վանդակ դնում։
- Գետի ափին ջուր չեն վաճառի։
- Գետի բերածը գետը կտանի։
- Գինի որ լինի, տունդ բարեկամներով լիքը կլինի։
- Գիշերվա առաջին կեսը մտածիր քո թերությունների մասին, երկրորդ կեսը՝ ուրիշների։
- Գիտությունն այնպիսի գանձ է, որը միշտ մնում է տիրոջ մոտ։
- Գիտությունն անսահման է։
- Գիտունը գրքերի մասին է խոսում, մսագործը՝ խոզերի։
- Գլուխը նապաստակի է, աչքերը՝ օձի։
- Գողացած բրնձով համով փլավ չես եփի։
- Դանակի տված վերքը կբուժվի, լեզվինը՝ չի բուժվի։
- Դատարկ շշերով հյուր չես ընդունի։
- Դեռ ման գալ չի իմանում, վազել է ուզում։
- Եթե երեք տարի չծխես, խնայածդ փողով եղ կգնես։
- Եթե կա ամուր կամք, լեռներն էլ կարելի է դաշտի վերածել։
- Եթե հետևանք կա, պատճառ էլ կա։
- Եթե սարում վագր չկա, շանն էլ են անվանում արքա։
- Եթե օձին ժամանակին չսպանես, հետո կզղջաս։
- Եթե արդեն ծարավ ես, ջրհոր փորելու մասին մտածելը ուշ է։
- Երբ գինին մեջտեղ է գալիս, իմաստությունը հեռանում է։
- Երբ գյուղացին նիհարում է, կալվածատերը գիրանում է։
- Երբ դաշտում շատ գայլ կա, սեղանի վրա միսը քիչ կլինի։
- Երբ խոսում ես դաշտում, հիշիր, որ խոտերն էլ կարող են լսել։
- Երբ կատուն լաց է լինում, մկները ցույց են տալիս թե նրան ցավակցում են։
- Երբ սիրում ես՝ կապիկն էլ գեղեցիկ է, երբ չես սիրում՛ լոտոսն էլ տգեղ է։
- Երբ փող չունես, բոլոր շուկաները հեռու են երևում։
- Երբեք մի մտածիր, որ արևը միայն քեզ համար է փայլում։
- Երեսի կեղտը կարելի է մաքրել, սրտինը՝ ոչ։
- Երեք հոգի միավորվեն, հողն էլ ոսկի կդարձնեն։
- Երկնքի հաշվին ապրելը հուսալի չէ։
- Զայրույթդ հանգցրիր՝ թշնամուդ հաղթեցիր։
- Էշին ծեծում են, ձին էլ է վախենում։
- Ընկած ծառը ստվեր չի ունենա։
- Ընկեր գտնելու համար մի տարին էլ քիչ է, կորցնելու համար՝ մի ժամն էլ շատ է։
- Թագավորին մոտ լինելը, միևնույն է թե վագրի հետ քնել։
- Թագավորն էլ աղքատ բարեկամներ ունի։
- Թագավորն էլ չի կարող հազար տարվա կյանք գնել։
- Թեկուզ հազար արգելքներով, ջուրը դեպի ծով է հոսում։
- Թեև խիղճը ատամներ չունի, բայց մահացու կրծում է։
- Թռչունը որ թևավորվեց, բնից դուրս կթռչի։
- Ժլատ մարդը բարեկամներ չի ունենա։
- Ժպտացող պաշտոնյայից հեռու փախիր։
- Իմաստունի ականջները երկար են, լեզուն՝ կարճ։
- Ինչքան քրտինք կթափես, այնքան էլ կուտես։
- Իր գլխի ձյունը չի տեսնում, ուրիշի եղյամը տեսնում է։
- Իրեն գովելը հիմարություն է, կնոջը՝ կրկնակի։
- Լավ ընկերն իսկական գանձ է։
- Լավ հարևանը ոսկի է։
- Լավ ձիուն լավ ձիավոր է պետք։
- Լավ ձիուն մեկ մտրակ, վատին՝ հազար։
- Լավ է բոլորովին չլինել, քան լինել ոչնչություն։
- Լավ է լինել կենդանի աղքատ, քան մեռած թագավոր։
- Լավ է խելոքի հետ մեռնել, քան հիմարի հետ ապրել։
- Լավ է հարյուր անգամ հրաժարվել, քան մեկ անգամ տված խոսքը չկատարել։
- Լավ է ճնճղուկ լինել կտրին, քան ստրուկ՝ տանը։
- Լավ է ծտի կտուց լինել, քան կովի պոչ։
- Լավ է մաքուր խղճով սովամահ լինել, քան անմաքուր խղճով մինչև կոկորդը ուտել։
- Լավ է մեկ օր մարդ լինել, քան հազար օր՝ ստվեր։
- Լավ է տանը նստել ցանց կարկատել, քան ծովափին՝ ձկների մասին երազել։
- Լավը երեք տարում էլ չես սովորի, վատին մի օրն էլ բավական է։
- Լեռներ տեղաշարժ անելն ավելի հեշտ է, քան մարդու բնավորությունը փոխելը։
- Լսիր թե ինչ են ասում, նայիր թե ինչ են անում։
- Խելոք մարդը խոսքով է համոզում, հիմարը՝ ձեռքերն է գործի դնում։
- Խելք ունես հազար բերան կկշտացնես, չունես՝ քեզ էլ չես կշտացնի։
- Խոսողը չի վախենա, վախեցողը չի խոսի։
- Խոսքը բանալի է, սրտեր է բացում։
- Խոսքը թևեր չունի, բայց թռչում է։
- Խոր գետը հանդարտ է հոսում։
- Ծանոթները շատ են, բարեկամները՝ քիչ։
- Ծառը կտրեց, որ արագիլին բռնի։
- Ծերի վրա մի ծիծաղիր, ինքդ էլ կծերանաս։
- Ծնողներդ քեզ կյանք են տվել, իսկ կամք՝ ինքդ քեզ համար կոփիր։
- Ծովը ջրի առատությունից չի վախենա։
- Ծովի հատակում ասեղ է փնտրում։
- Ծույլ հող չկա, կան ծույլ մարդիկ։
- Կաթիլ-կաթիլ գետ կդառնա։
- Կանխիկ հարյուրը ապառիկ հազարից լավ է։
- Կատուն ուտելու ետևից է վազում, շունը՝ տիրոջ։
- Կասկածում ես՝ աշխատանք մի՛ հանձնարարի, հանձնարարում ես՝ հավատա։
- Կարելի է համեստ լինել՝ առանց իմաստուն լինելու, բայց չի կարելի իմաստուն լինել՝ առանց համեստ լինելու։
- Կարկանդակ է նկարում որ քաղցը հագեցնի։
- Կոշիկը հետք է թողնում, բայց կոշիկն ու հետքը նույնը չեն։
- Կովի պոզերին նստած մրջյունին թվում է, թե լեռան գագաթն է բարձրացել։
- Կրակը թղթով չեն փաթաթի։
- Կրակից դուրս թռավ, ջրհորն ընկավ։
- Կուշտը քաղցածին չի հասկանա։
- Հագուստի նորն է լավ, ընկերոջ՝ հինը։
- Հազար կիլոմետրի վրա սագի փետուր նվեր ուղարկեցին, նվերը թեթև էր, բայց ուշադրությունը՝ թանկ։
- Համարձակ մարդը սրի առաջ էլ չի խոնարհվի։
- Հայրերը ծառեր են տնկում, զավակները գովանում են նրանց շվաքում։
- Հաջողության դեպքում կատուն էլ է փքվում, իրեն վագր երևակայում։
- Հարգում են ո՛չ թե հագուստը, այլ մարդուն։
- Հացը քաղցածին տուր, խոսքը հասկացողին ասա։
- Հարստությունը զարդարում է տունը, առաքինությունը՝ մարդուն։
- Հարուստը մտածում է ապագայի մասին, աղքատը՝ այսօրվա մասին։
- Հարուստի ճշմարտությունը փողի մեջ է։
- Հարուստի սիրտը քար է։
- Հարուստի հարստությունն աղքատի կյանքն է։
- Հեռու ջրով մոտիկ կրակը չես հանգցնի։
- Հյուր չես կանչի՝ հյուր չեն կանչի։
- Հյուրին չեն հարցնի՝ հավով փլավ կուտե՞ս։
- Հիշելով անցյալը՝ կճանաչես ներկան։
- Հովհարով դաշտն արևից չես ծածկի։
- Ձի ես գնում՝ ատամներին նայիր, ընկեր ես ճարել՝ սրտին նայիր։
- Ձիու պոչին կպած ճանճն էլ կարող է հազար մղոն ճանապարհ գնալ։
- Ձիուն թամբը չի գեղեցկացնում, ոչ էլ մարդուն՝ հագուստը։
- Ձվի մեջ ոսկոր մի փնտրիր։
- Ձուկ բռնողի շորերը թաց կլինեն։
- Ձուն դեռ ճուտ չէ։
- Ձուն քարի հետ չպետք է վիճի։
- Ճանաչիր քեզ, ճանաչիր հակառակորդիդ ու դու հարյուր ճակատամարտից հարյուրն էլ կշահես։
- Ճանապարհները հազար են, ճշմարտությունը՝ մեկ։
- Ճանապարհներն սկսվում են դարպասներից և դարպասներով էլ վերջանում են։
- Ճաշը համով է՝ տանտիրուհու շնորհքն է, անհամ է՝ աղախնի անշնորհքությունից է։
- Ճշմարտության աստծու առաջ կեղծ մոմ մի վառիր։
- Ճշմարիտ խոսքը հաճախ դեղի պես դառն է, բայց բուժիչ է։
- Ճրագի լույսի տակ գույները չես տարբերի։
- Ճրագն իր տակը լույս չի տա։
- Մարդը երկրի զարդն է։
- Մարդը պետք է լավ սիրտ ունենա, ծառը՝ լավ արմատներ։
- Մարդը գեղեցիկ է սրտով, օձը՝ մաշկով։
- Մարդկային ցանկությունները երկնքից էլ բարձր են։
- Մարդն է բոլոր հրաշալիքների ստեղծողը։
- Մարդու մեջքը կկոտրես, կամքը չես կոտրի։
- Մարմինդ կբուժես, հոգիդ չես բուժի։
- Մաքուր խղճով մարդը գիշերն իր դուռը բախելուց չի վախենա։
- Մեկը վարունգ է սիրում, մեկը՝ սեխ։
- Մի՛ անիր այն, ինչ չես ուզում, որ ուրիշներն իմանան։
- Մի գոմշից երկու կաշի չի հանվի։
- Մի հոտած տանձ մի զամբյուղ տանձ կփչացնի։
- Մի ձեռքով երկու գորտ չես բռնի։
- Մի նեղացիր հայելու վրա, եթե ինքդ այլանդակ ես։
- Մի ոչխարի ետևից ամբողջ հոտե է գնում։
- Մի ջերմ խոսքը երեք ձմեռ մարդ կարող է տաքացնել։
- Մի՛ վախեցիր դանդաղ շարժվելուց, վախեցի՛ր տեղում կանգնելուց։
- Մինչև նապաստակ չտեսնես, բազեդ բաց մի թողնի։
- Մորթին ոչխարի է, սիրտը՝ գայլի։
- Մրջյուններն էլ կարող են սար շուռ տալ։
- Մրսողի մտքում հագուստն է, քաղցածինը՝ հացը։
- Յուրաքանչյուր սերունդ գալիք սերնդի համար ճանապարհ է հարթում։
- Նախքան ուրիշի վրա ծիծաղեք, քո՛ մասին մտածիր։
- Շատ խոսքեր, շատ էլ սխալներ։
- Շատ կցանես, շատ էլ կհնձես։
- Շատ մարդիկ, շատ էլ կարծիքներ։
- Շրթունքներին՝ մեղր, սրտում՝ դանակ։
- Շունն իր ստվերի վրա էլ է հաչում։
- Ո՛չ թե արևին, այլ քեղ մեղադրիր, որ այգիդ չի ծաղկում։
- Ով եղնիկ է ուզում որսալ, նապաստակի ետևից չի ընկնի։
- Ով կրակին մոտ է, առաջինը կայրվի։
- Ով ջրհորի հատակից է նայում երկնքին, շատ բան չի տեսնի։
- Որոտին հաջորդում է կայծակը, կայծակին՝ անձրևը։
- Չիմացողը ուղտին սապատավոր ձիու տեղ կընդունի։
- Չղջիկները ցերեկվա լույսից վախենում են։
- Չոր մատին աղ չի կպչի։
- Չքրտնես, չես վայելի։
- Պատժից խուսափելու ամենալավ միջոցը հանցանք չգործելն է։
- Պատվով մեռնելն անպատիվ ապրելուց լավ է։
- Պոզերն ականջներից ուշ են դուրս գալիս, բայց ականջներից երկար են լինում։
- Ջրհորի գորտը ծովի մասին գաղափար չի ունենա։
- Ջուր ես խմում, ջրհոր փորողին օրհնիր։
- Ջուրը ձգտում է դեպի ցած, մարդը՝ վեր։
- Ջուրն անցնում է, ժայռը մնում։
- Սարում վագր չկա, շանն են ասում արքա։
- Սովորությունը բնավորություն է դառնում։
- Սպասող մարդը անհամբեր կլինի։
- Սպասում է մինչև դեղձն ընկնի բերանը։
- Վագրից վախեցողը սար չի գնա։
- Վախեցիր ո՛չ թե ինը գլխանի հրեշից, այլ՝ երկերեսանի մարդուց։
- Վառարան վառելն էլ աշխատանք է։
- Տան մեծը տան գանձն է։
- Տանը նստած ոսկու լեռներ էլ կարելի է ուտել։
- Տանտերը մտածոմ է դարպասը պինդ փակելու մասին, գողը՝ պատն անցնելու։
- Տգետին ոչ մի դեղով չես բուժի։
- Ուզում ես կուշտ ուտել՝ մինչև քրտնելդ աշխատիր։
- Ուր գնում ես, այնտեղի լեզվով խոսիր։
- Ուրիշի գլխի ցողը տեսնում է, իր գլխի ձյունը չի տեսնում։
- Փառք ձեռք բերելը դժվար է, կորցնելը՝ հեշտ։
- Փողը հազար հանցագործություն կարող է թաքցնել։
- Փողով սատանային էլ կստիպես ջրաղացի քարը պտտել։
- Փոքր լճակի ձուկը փոքր կլինի։
- Փոքր մարդիկ էլ կարող են մեծ ցանկություններ ունենալ։
- Քամին փչում է, խոտը շրշում է։
- Քարից յուղ չեն քամի։
- Քիչ խոսիր, շատ գործիր։
- Քնել նույն բարձին, չի նշանակում նույն երազները տեսնել։
- Քննադատությունից մի՛ վախեցիր, անտեղի գովասանքներից վախեցիր։
- Քո լինելով՝ ոչինչ չի ավելացել, չլինելով՝ ոչինչ չի պակասի։
- Օձն ասում է՝ այդ ես չեմ գալարվում, ճանապարհն է ոլոր-մոլոր։
- Օտար երկիրն ինչքան լավ լինի, հայրենիքին չի հասնի։
Ինդոնեզական առածներ և ասացվածքներ - Ագռավին վարդաջրով էլ լվանաս, չի սպիտակի։
- Ադամանդն աղբանոցում էլ կփայլ։
- Ամեն գորտ իր ճահիճն է գովում։
- Ամեն սկիզբ իր վերջն ունի։
- Անցածը ետ չես դարձնի։
- Աջ ականջից մտավ, ձախից դուրս եկավ։
- Աջ ձեռքը ձախին չի հավատում։
- Առանց աքաղաղի կանչի էլ լույսը կբացվի։
- Առանց կրակի ծուխ չկա։
- Ասեղը որ անցավ, թելն էլ կանցնի։
- Բարությանը բարությամբ են պատասխանում։
- Բերնիցդ դուրս թռած խոսքը ետ չես դարձնի։
- Գլուխը թաքցրել, պոչը դուրս է թողել։
- Գողին ընկեր դառնաս, գող կդառնաս։
- Գոմեշի պոզերն իրեն չեն խանգարում։
- Գործերը մի վերշոկ են, շաղակրատանքը՝ մի սաժեն։
- Գորտի մտքով անցավ կով դառնալ։
- Գորտից օձ չի ծնվի։
- Դանակը մարմինն է վիրավորում, լեզուն՝ սիրտը։
- Դանակի հետ խաղացողը ձեռքը կկտրի։
- Դաստիարակության մասին դաստիարակվածը կարող է խոսել։
- Դատարկ տակառը բարձր ձայն կհանի։
- Եղջերվին ոսկե շղթայով էլ կապես, կաշխատի փախչել։
- Եղջերուն դեռ անտառում է, պղինձն արդեն կրակին են դրել։
- Երբ գրպանդ դատարկ է, մոտիկ ընկերդ էլ հեռավոր է դառնում։
- Երբ ներքևի տերևն ընկնում է, վերևինը թող չծիծաղի, իր հերթն էլ կգա։
- Երբ փորը կուշտ է, սիրտն էլ ուրախ է։
- Զուգվել չգիտե, հայելուն է մեղադրում։
- Թմբուկը կլռեցնես, մարդկանց չես լռեցնի։
- Թող աղը լինի հանքում, ձուկը՝ ծովում, տապակի մեջ հրար կհանդիպեն։
- Թռչունը թևերով է ուժեղ։
- Ինչքան մարդ, այնքան ցանկություն։
- Լավ է խելոքի հետ թշնամի լինել, քան հիմարի հետ՝ բարեկամ։
- Լեզվի վրա մի բան է, սրտում՝ ուրիշ։
- Լեզուն ոսկոր չունի։
- Ծովի խորությունը կչափվի, սրտի խորությունը չի չափվի։
- Ծառն իր պտղով է ճանաչվում։
- Կաթի հետ մտածը հոգու հետ դուրս կգա։
- Կգա՝ չի ավելանա, կգնա՝ չի պակասի։
- Կոկորդիլոսը լեշից չի հրաժարվի։ Կով չառած գոմ չեն շինի։
- Կրիան հազար ձու է ածռւմ՝ մարդ չի իմանում, հավը մեկն է ածում, բոլորն իմանում են։
- Կուշտ մարդու համար համով ճաշն էլ անհամ է։
- Համառությամբ ամենաբարձր լեռն էլ կբարձրանաս։
- Համեստ է, ինչպես բրնձի հասկ, ինչքան լցվում, այնքան խոնարհվում է։
- Հայելին մեղավոր չէ, որ դեմքդ ծուռ է։
- Հարվածին հարվածով են պատասխանում, խոսքին՝ խոսքով։
- Ճարպիկ սկյուռն էլ ծառից կարող է ընկնել։
- Ճահիճն առանց գորտի ճահիճ չի կոչվի։
- Ճերմակին բաց թողեց, սևին էլ չբռնեց։
- Մահը մշտական անպատվությունից լավ է։
- Մեկ անգամ ստեցիր, էլ քեզ չեն հավատա։
- Մեռնել չի ուզում, ապրել էլ չի կարողանում։
- Մի նավը երկու նավապետ չի ունենա։
- Մի հոտած ձուկը զամբյուղի բոլոր ձկներին կհոտեցեի։
- Մուկը որոշեց կատվի թաթը կծել։
- Մուկն ընկավ բրնձի ամբարի մեջ։
- Նա ինքն իր վզին լուծ դրեց։
- Շան հաչոցից սարը չի փլվի։
- Շատ ման կգաս՝ շատ կտեսնես, շատ կապրհս՝ շատ կիմանաս։
- Շրթունքներին՝ մեղր, լեզվին՝ լեղի։
- Ոչ օձ է, ոչ ձուկ։
- Ով իր ուժերի վրա վստահ է, քարից էլ հաց կհանի։
- Ով ձեռքերով վերցնել չի կարող, աչքերով է ուտում։
- Ով ձուկ է ուզում ուտել, ջուր պիտի մանի։
- Որտեղ արծիվ չկա, ծղրիդն էլ արծվի տեղ կանցնի։
- Որտեղ՝ շաքար, այնտեղ՝ մրջյուն։
- Պարել չի իմանում, հատակին է մեղադրում՝ թե հարթ չէ։
- Պարզ ակից պղտոր ջուր չի հոսի։
- Ջրի հետ խաղաս՝ կթրջվես, կրակի հետ խաղաս՝ կայրվես։
- Սայթաքեց՝ նոր ոտքերի տակ նայեց։
- Սապատավորը չի ուղղվի։
- Սպասում է, մինչն փլավը բերանը դնեն։
- Վերքը լավանում է, սպին մնում։
- Տաքդեղ ուտողի բերանը կմրմռա։
- Տաքդեղը փոքր է, բայց այրող է։
- Տունն այրեց, որ մկներին փախցնի։
- Ում ձեռքերն ու ոտքերը բանում են, միշտ կուշտ կփնի։
- Ուրիշի հւսմար հոր փորողը ինքը մեջը կընկնի։
- Փիղը հղոր է, բայց էլի ծնկի է իջնում։
- Փոքր ձուկը միշտ էլ մեծի համար կերակուր է։
- Քարն ինչքան էլ բարձր գցես, գետին է ընկնելու։
- Քիչ ես տալիս՝ շատ է ուզում, շատ ես տալիս՝ ամբողջն է ուզում։
- Քո արշինով քո տանը չափիր։
- Օձից վախեցածը, մողեսից էլ կվախենա։
|