Նոր Նորք վարչական շրջանի ղեկավար Արմեն Ուլիխանյանի հանձնարարությամբ աշխատակազմի բաժինների ներկայացուցիչները Գիտելիքի և Դպրության օրվա առթիվ այսօր այցելություններ են իրականացրել վարչական շրջանի տարածքում գործող դպրոցներ՝ շնորհավորելով հայերիս համար ամենակարևոր ու իմաստալից տոնի առթիվ: Նոր Նորք վարչական շրջանի հ.197 հիմնական դպրոցում սեպտեմբերի 1-ի կապակցությամբ կազմակերպված տոնակատարությանը հյուրերի կազմում են եղել նաև ՀՀ ԱԺ պատգամավոր Վահրամ Մկրտչյանը, ներկայացուցիչներ Երևանի քաղաքապետարանի աշխատակազմի հանրակրթության վարչությունից, Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնից, ԵԿՄ Նոր Նորքի բաժանմունքից, Վ Սարգսյանի անվան ռազմական ինստիտուտից: Դպրոցի տնօրեն Ալմաստ Ավետիսյանը, շնորհավորելով ներկաներին տոնի կապակցությամբ, ներկայացրել է Երևանի քաղաքապետի ուղերձը՝ շնորհակալություն հայտնելով կրթության ոլորտի հանդեպ ցուցաբերվող մշտական ուշադրության և հոգածության համար: Գիտելիքի և դպրության օրը առավելապես մեր` կրթության բազմադարյան ավադույթներ ունեցող հայերիս կյանքում բացում է հույսերի և սպասումների նոր արշալույս: Շնորհավորելով կրթության և գիտության ոլորտի բոլոր ներկայացուցիչներին` Նոր Նորք վարչական շրջանը սիրով բարեմաղթում է լուսավոր վերելքներ դպրության ջահը կրելու պատվաբեր և պատասխանատու ճանապարհին: Նկարները՝ այստեղ |