Նոր Նորք վարչական շրջանի հ.119 մանկապարտեզում ՀՀ Անկախության 24-րդ տարեդարձի առթիվ կազմակերպվել էր «տոնական զորահանդես», որին ներկա էին նաև Նոր Նորք վարչական շրջանի ղեկավարի տեղակալ Արմեն Ալավերդյանը, Երևանի քաղաքապետարանի աշխատակազմի հանրակրթության վարչության ներկայացուցիչները, ՀՀ ԵԿՄ Նոր Նորքի տարածքային բաժնի ներկայացուցիչները, «Անահիտ» ջոկատի հրամանատար Անահիտ Մարտիրոսյանը, ծնողներ և այլ հյուրեր: Երեխաները ուշագրավ շքերթով տոնական տրամադրություն հաղորդեցին հանդիսատեսին՝ ամբողջացնելով օրվա խորհուրդը: Երեխաների ռազմահայրենասիրական դաստիարակության և սերնդակրթության գործում ունեցած ավանդի համար հ.119 մանկապարտեզի տնօրեն Նելլի Աղումյանը պարգևատրվեց Երկրապահ Կամավորականների Միության պատվոգրով: Տոնահանդեսին մասնակցեցին մանկապարտեզի բոլոր երեխաները՝ ՀՀ Անկախության տարեդարձը վերածելով լիակատար տոնի: Նկարները՝ այստեղ |