Նոր Նորք վարչական շրջանի ղեկավար Արմեն Ուլիխանյանի հանձնարարությամբ Հայոց ցեղասպանության 100-րդ տարելիցին նվիրված միջոցառումները Նոր Նորքում կրում են շարունակական բնույթ: Հերթական միջոցառման ընթացքում Նոր Նորքի մշակույթի կենտրոնի սաները գրական-երաժշտական յուրօրինակ ցերեկույթով ոգեկոչել են Հայոց ցեղասպանության մեկուկես միլիոն անմեղ զոհերի հիշատակը և երախտագիտությամբ խոնարհվել կյանքի ու մարդկային արժանապատվության համար պայքար մղած նահատակ և վերապրած հերոսների առջև: Միջոցառմանը մասնակցել են Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչներ, մանկավարժներ և ծնողներ: Հային ու Հայաստանին նվիրված գրական-երաժշտական ստեղծագործություններով միջոցառման մասնակիցները կոչ են արել հայորդիներին լինել հայրենասեր, գիտակից և ուսյալ կեցվածքով պաշտպան կանգնել հայրենի սրբազան ժառանգությանը, աննահանջ պայքարով ծառայել հանուն առավել հզոր Հայրենիքի, հանուն համայն հայության դարավոր նվիրական նպատակների իրականացման: Նկարները՝ այստեղ |