Դեկտեմբերի 25-ին Նոր Նորք վարչական շրջանի ղեկավարի աշխատակազմի վարչական շենքի դահլիճում կայացավ Նոր Նորքի մշակույթի կենտրոնի տարեվերջյան հաշվետու միջոցառումը: Ամանորի գեղեցիկ ծրագրի ընթացքում կենտրոնի շնորհալի սաներն ու գեղարվեստական խմբերը ներկայացան ուշագրավ կատարումներով: Միջոցառման ավարտին Նոր Նորք վարչական շրջանի ղեկավար Արմեն Ուլիխանյանի անունից վարչական շրջանի ղեկավարի տեղակալը պատվոգրեր և շնորհակալագրեր հանձնեց 2015թ-ին Նոր Նորքի մշակութային ոլորտում նշանակալի ավանդ ունեցող անձանց: Շնորհավորելով միջոցառման մասնակիցներին՝ Նոր Նորք վարչական շրջանի ղեկավարի տեղակալ Արմեն Ալավերդյանը արժևորեց մշակույթի կենտրոնի դերը՝ նոր սերնդի գեղագիտական դաստիարակության գործում՝ բարեմաղթելով արգասավոր աշխատանքային ուղի: Նկարները՝ այստեղ |