Նկարչության արվեստը մարդու գեղագիտական աշխարհի արտացոլումն է` կյանքի ընկալման և արժևորման յուրօրինակ դրսևորումը: Մայիսի 25-ին Նոր Նորք վարչական շրջանի Սարգիս Ասլամազյանի անվան երաժշտական դպրոցում կազմակերպվել էր գեղանկարչական աշխատանքների ցուցահանդես «Նոյից մինչև Հայկ» խորագրով: Միջոցառումը նվիրված էր ՀՀ անկախության 25 և Գարեգին Նժդեհի 130-ամյակներին: Ցուցահանդեսին աշակերտներից յուրաքանչյուրը ներկայացնում էր իր ստեղծագործությունը՝ համադրելով այն նժդեհյան թևավոր ասույթներով ու մտքերով: Դահլիճում թևածում էր ազգային հայրենասիրական ոգին, որը մարմին էր առել ցուցադրված աշխատանքներում՝ գունային ու բովանդակային հետաքրքիր լուծումներով: Միջոցառմանը մասնակցում էին նաև Նոր Նորք վարչական շրջանի ղեկավարի աշխատակազմի կրթության, մշակույթի և սպորտի բաժնի ներկայացուցիչները, ովքեր բարձր գնահատեցին միջոցառման խորհուրդը՝ մաղթելով սաներին նորանոր հաջողություններ արվեստի կախարդական աշխարհում: Նկարները՝ այստեղ |